ەلىمىزدە نەسيە الۋ قيىندايتىن بولادى، دەپ حابارلايدى "ادىرنا" ءتىلشىسى 24.kz-كە سىلتەپ.
بانكتەر مەن ميكروقارجى ۇيىمدارى ءۇشىن ازاماتتارعا نەسيە بەرۋ تالاپتارى قاتاڭداتىلاتىنى تۋرالى ۇلتتىق بانك توراعاسى مالىمدەدى.
"ەلىمىزدە بورىشكەرلەر جايىندا تۇتاس اقپاراتتىق جۇيە قۇرىلاتىن بولادى. قارىز الۋشىنىڭ جەكە سايكەستەندىرۋ ءنومىرى ارقىلى ونىڭ بارلىق نەسيەلەرى تۋرالى اقپارات جينالادى. ياعني، يپوتەكاسى، اۆتوكولىك العان نەسيەسى، تۇتىنۋشىلىق نەسيە مەن اقشالاي قارىزدارى تۋرالى بارلىق مالىمەت وڭدەلەدى. وسى رەتتە تۇتاس اقپاراتتىق جۇيە قۇرىلادى", - دەدى تيمۋر سۇلەيمەنوۆ.
ەندى 90 كۇن بويى قارىزىن وتەمەي جۇرگەن ازاماتتارعا نەسيە بەرىلمەيتىن بولادى. ودان بولەك وتەلمەگەن نەسيە بويىنشا ءوسىمپۇل سالۋعا تىيىم سالىنادى.
قازاقستان رەسپۋبليكاسى ۇلتتىق بانكىنىڭ توراعاسى تيمۋر سۇلەيمەنوۆ ازاماتتاردىڭ سانسىز نەسيە الىپ، قارىزعا بەلشەسىنەن باتۋىنا جول بەرمەيتىنىن ايتتى.
