ەلورداداعى ارنايى جەدەل ارەكەت ەتۋ بولىمشەسىنىڭ قىزمەتكەرلەرى ۇلتتىق بانك عيماراتىنا كەلگەندەردى كۇشتەپ الىپ كەتتى. وقيعا تۋرالى جازبا جانبولات مامايدىڭ Facebook پاراقشاسىندا قوزعالىس قاتىسۋشىلارىنىڭ اشتىق جاريالاۋى باستالعاننان، جارتى ساعات وتكەن سوڭ پايدا بولدى، دەپ حابارلايدى “ادىرنا” ۇلتتىق پورتالى.
ساعات 18: 00 -دە ايەلدەر اشتىق جاريالاعان بولاتىن. بىراق ۇلتتىق بانك توراعاسى مەن تجرقب باسشىسىنىڭ قابىلداۋىنا كىرە المادى. ءبىراز ۋاقىتتان كەيىن نارازىلارعا نۇر-سۇلتان ەسىل اۋدانى باسشىسىنىڭ ءبىرىنشى ورىنباسارى مارات دۋباەۆ باستاعان پوليتسيا قىزمەتكەرلەرى كەلدى. ولار ۇب عيماراتىن بوساتۋدى تالاپ ەتتى.
18:30 شاماسىندا سوبر قىزمەتكەرلەرى ايەلدەردى ۇلتتىق بانك عيماراتىنان كۇشتەپ شىعاردى.
ەسكە سالساق، بۇگىن الماتىدان سەگىز ايەل كەلىپ، ۇلتتىق بانك عيماراتىندا بانك باسشىسى ەربولات دوساەۆ پەن رەتتەۋ جانە نارىقتى دامىتۋ اگەنتتىگىنىڭ توراعاسى ءمادينا ابىلقاسىموۆامەن كوللەكتورلارعا اۋدارىلعان پروبلەمالى نەسيەلەردى ەسەپتەن شىعارۋ ءۇشىن كەزدەسۋدى تالاپ ەتتى.
نۇر-سۇلتان قالالىق پوليتسيا دەپارتامەنتىنىڭ ءباسپاسوز قىزمەتى وقيعاعا قاتىستى ءالى تۇسىنىكتەمە بەرگەن جوق.
”ادىرنا” ۇلتتىق پورتالى
