Ónerkásip jáne qurylys mınıstrliginiń habarlaýynsha, sońǵy 10 jylda Ulttyq bank qoryna 550 tonna tazartylǵan altyn satyp alyndy, dep habarlaıdy "Adyrna" ulttyq portaly Qazaqparat saıtyna silteme jasaı otyryp.
"Elimizde 2011 jylǵa deıin óńdelgen barlyq altyn eksporttaldy. 2011 jyldan 2015 jylǵa deıin Altyn eksportyna ýaqytsha shekteý engizildi. 2011-2015 jyldary 229,62 tonna shıki altyn qabyldanyp, eksportqa 64,24 tonna jiberildi. Ulttyq Bankke 110 tonnaǵa jýyq tazartylǵan altyn berildi", - dep habarlady vedomstvodan.
Ónerkásip mınıstrliginiń málimetinshe, "baǵaly metaldar jáne asyl tastar týraly" Zańǵa sáıkes 2016 jyldan bastap Ulttyq Banktiń tazartylǵan altyndy satyp alýǵa basym quqyǵy bar.
"2011-2022 jyldary Ulttyq bank úshin 550 tonnaǵa jýyq tazartylǵan altyn satyp alyndy. Jyl saıyn elimizde 1000 tonnadan astam kúmis óńdeledi, shamamen 990 tonna eksportqa jiberiledi, - dep naqtylady mınıstrlik.
"Adyrna" últtyq portaly
