Pavlodar oblysynda adamdar mingen avtobýs shahta mańynda jer astyna qulap ketti, dep habarlaıdy "Adyrna" ulttyq portaly.
Oblystyq Tótenshe jaǵdaılar departamentiniń baspasóz qyzmeti habarlaǵandaı, 4 qańtar kúni saǵat 01:25 shamasynda Pavlodar oblysy Baıanaýyl aýdanynda, Maıqaıyń kenishiniń mańynda tórt jolaýshysy bar avtobýs shahta mańyndaǵy shuńqyrǵa qulap ketken.
Vedomstvonyń baspasóz qyzmetiniń málimetinshe, opyrylǵan jerdiń uzyndyǵy 150-200 metr, eni 500 metr, opyrylǵan jerdiń tereńdigi 150 metr.
"Apat kezinde avtobýsta TJK PVASS Pavlodar fılıalynyń úsh qutqarýshysy men júrgizýshisi bolǵan. Shahtadan 33 jumysshy evakýaııalandy, olardyń ómiri men densaýlyǵyna qaýip joq", - dep habarlady vedomstvonyń baspasóz qyzmeti.
Avarııalyq-qutqarý jumystaryna «Maıqaınzoloto» AQ kásibı áskerılendirilgen avarııalyq-qutqarý jumystary qyzmetiniń Pavlodar fılıalynyń, jergilikti atqarýshy organdardyń, sondaı-aq tótenshe jaǵdaılar bóliminiń qutqarýshylarynyń kúshteri men quraldary jumyldyryldy. Barlyǵy 44 adam, 13 tehnıka jáne bir ushqyshsyz ushý apparaty (dron) jumyldyrylǵan.
"Adyrna" ulttyq portaly
