2025 جىلدان باستاپ شىعىس قازاقستان وبلىسىنداعى كوپبالالى انالار اۆتوبۋسپەن تەگىن جۇرە الادى. بۇل تۋرالى شقو جولاۋشى كولىگى جانە اۆتوموبيل جولدارى باسقارماسى باسشىسى ورىنباسارىنىڭ مىندەتىن اتقارۋشى قۋانىش اكراموۆ ايتتى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، قازىر ءوڭىر بويىنشا ونداي مۇمكىندىككە از قامتىلعان وتباسىلاردان شىققان بالالار يە. ول ءۇشىن 178 ملن تەڭگەدەن اسا قارجى ءبولىنىپ، جەڭىلدىكپەن 5 312 بالا قامتىلعان.
«ەندى كەلەسى جىلدان باستاپ «التىن القا»، «كۇمىس القا»، «باتىر انا»، I جانە II دارەجەلى «انا داڭقى» وردەندەرىمەن ماراپاتتالعان كوپبالالى انالار ءۇشىن قالاارالىق جانە اۋدانارالىق قوعامدىق كولىكتەر تەگىن بولادى. وعان قاجەتتى قاراجات جەرگىلىكتى بيۋدجەتتەن بولىنەدى»، – دەدى شقو جولاۋشى كولىگى جانە اۆتوموبيل جولدارى باسقارماسى باسشىسى ورىنباسارىنىڭ مىندەتىن اتقارۋشى قۋانىش اكراموۆ.
سونداي-اق ول «وسكەمەن-1» تەمىرجول ۆوكزالىنىڭ كۇردەلى جوندەۋدەن وتەتىنىن دە اتاپ ءوتتى.
«قازىر جوبالىق-سمەتالىق قۇجاتتاما دايىندالىپ جاتىر. سونىڭ اياسىندا عيمارات تولىقتاي جوندەلەدى. سونداي-اق مودەرنيزاتسيالاۋ جۇمىستارى دا جوسپارلانىپ وتىر. ونداعى ماقسات – ۆوكزالدى مۇمكىندىگى شەكتەۋلى جاندارعا قولايلى ەتۋ»، – دەيدى اكىمدىك وكىلى.
