اقمولا پوليتسەيلەرى 15 كولىك سوقتىعىسقان ءىرى جول اپاتىنىڭ سەبەبىن انىقتاپ جاتىر، - دەپ حابارلايدى “ادىرنا” پورتالى.
2 قاڭتاردا استانا-پەتروپاۆل تاس جولىندا، استانا باعىتىندا ءىرى جول اپاتى بولدى. جول اپاتىنان 15 كولىك زارداپ شەككەن. قايتىس بولعاندار جوق، الايدا ءۇش ادام زاقىم العان، ونىڭ ىشىندە ءبىر بالا اۋرۋحاناعا جاتقىزىلدى.
«جول-كولىك وقيعاسىنا كىنالى دەپ تانىلعان – Mitsubishi كولىگىن باسقارعان 69 جاستاعى استانا قالاسىنىڭ تۇرعىنى مەن Suzuki Vitara كولىگىنىڭ 34 جاستاعى جۇرگىزۋشىسىنە قاتىستى قر قك 610-بابى بويىنشا اكىمشىلىك حاتتاما تولتىرىلدى»، - دەپ حابارلادى اقمولا وبلىستىق پوليتسيا دەپارتامەنتىنىڭ ءباسپاسوز قىزمەتى.
ۆەدومستۆونىڭ ءباسپاسوز قىزمەتىنىڭ حابارلاۋىنشا، 31 جەلتوقسان مەن 2 قاڭتار ارالىعىندا اقمولا وبلىسىندا 19 جول-كولىك وقيعاسى ورىن العان. پوليتسيا جۇرگىزۋشىلەردى جىلدامدىقتى جانە قاشىقتىقتى ساقتاۋعا، سونداي-اق اۋا رايىنىڭ قولايسىزدىعىنا بايلانىستى جول شەكتەۋلەرى تۋرالى توتەنشە جاعدايلار قىزمەتىنىڭ ەسكەرتۋلەرىنە نازار اۋدارۋعا شاقىردى. ەستەرىڭىزگە سالا كەتەيىك، 2 قاڭتاردا كۇندىز ششۋچە-استانا تاس جولىنىڭ جاسىل اۋىلى ماڭىندا ءىرى جول اپاتى بولدى.پوسموترەت ەتۋ پۋبليكاتسيۋ ۆ Instagram
ۇقساس جاڭالىقتار
