Ақмола полицейлері 15 көлік соқтығысқан ірі жол апатының себебін анықтап жатыр, - деп хабарлайды “Адырна” порталы.
2 қаңтарда Астана-Петропавл тас жолында, Астана бағытында ірі жол апаты болды. Жол апатынан 15 көлік зардап шеккен. Қайтыс болғандар жоқ, алайда үш адам зақым алған, оның ішінде бір бала ауруханаға жатқызылды.
«Жол-көлік оқиғасына кінәлі деп танылған – Mitsubishi көлігін басқарған 69 жастағы Астана қаласының тұрғыны мен Suzuki Vitara көлігінің 34 жастағы жүргізушісіне қатысты ҚР ҚК 610-бабы бойынша әкімшілік хаттама толтырылды», - деп хабарлады Ақмола облыстық полиция департаментінің баспасөз қызметі.
Посмотреть эту публикацию в Instagram
Ведомствоның баспасөз қызметінің хабарлауынша, 31 желтоқсан мен 2 қаңтар аралығында Ақмола облысында 19 жол-көлік оқиғасы орын алған.
Полиция жүргізушілерді жылдамдықты және қашықтықты сақтауға, сондай-ақ ауа райының қолайсыздығына байланысты жол шектеулері туралы төтенше жағдайлар қызметінің ескертулеріне назар аударуға шақырды.
Естеріңізге сала кетейік, 2 қаңтарда күндіз Щучье-Астана тас жолының Жасыл ауылы маңында ірі жол апаты болды.
