جۋرناليست دينارا ەگەۋباەۆا ماشينامەن قاعىپ كەتكەن ۆەلوسيپەدشىنىڭ دەنساۋلىعىنا قاتىستى تىڭ دەرەكتەر بەلگىلى بولدى. جول-كولىك وقيعاسىنان كەيىن ەگەۋباەۆا الەۋمەتتىك جەلىدە اپاتتى ادەيى ۇيىمداستىرىلعان «اۆتوپودستاۆا» بولۋى مۇمكىن ەكەنىن، سەبەبى ەر ادامنىڭ ونىڭ كولىگىنە ءوزى كەلىپ سوعىلعانىن مالىمدەگەن ەدى. الايدا، زارداپ شەگۋشى العان جاراقاتتاردىڭ سيپاتى قازاقستاندىقتاردىڭ كۇمانىن تۋدىردى.
ورتالىق قالالىق كلينيكالىق اۋرۋحانانىڭ حابارلاۋىنشا، ناۋقاس قابىلداۋ بولىمىنە شۇعىل تۇردە جەتكىزىلىپ، كەشەندى تەكسەرۋدەن وتكەن. دارىگەرلەر ونىڭ جاعدايىن اۋىر دەپ باعالاپ وتىر. ەر ادامعا باس سۇيەك-ميىنىڭ جابىق جاراقاتى، ميدىڭ شايقالۋى، كەۋدە قۋىسىنىڭ جابىق جاراقاتى جانە ەكى قابىرعاسىنىڭ سىنۋى دياگنوزى قويىلعان. وعان قوسا، سىڭىرلەردىڭ ءۇزىلۋى مەن سۇيەكتىڭ سىنۋىنا اكەپ سوققان وڭ جاق تىزە بۋىنىنىڭ اۋىر زاقىمدانۋى انىقتالدى. قازىرگى ۋاقىتتا زارداپ شەگۋشى ارالاس جاراقاتتار بولىمشەسىنە جاتقىزىلدى.
مەديتسينالىق مالىمەتتەر جاريالانعاننان كەيىن الەۋمەتتىك جەلىنىڭ كوپتەگەن قولدانۋشىلارى ءجۋرناليستىڭ ءسوزىن قاتاڭ سىنعا الدى. پىكىر قالدىرۋشىلار دياگنوزداردىڭ اۋىرلىعى «اۆتوپودستاۆا» تۋرالى اڭگىمەمەن ەش ۇيلەسپەيتىنىن العا تارتۋدا، سەبەبى ادام ءومىرىن قاتەرگە تىگىپ نەمەسە مۇگەدەك بولىپ قالۋ قاۋپىن بىلە تۇرا، كولىك استىنا ءوز ەركىمەن تۇسە سالۋى مۇمكىن ەمەس.
جول اپاتىنىڭ ناقتى سەبەپتەرى مەن ءمان-جايىن انىقتاۋ ەندى قۇقىق قورعاۋ ورگاندارىنىڭ ەنشىسىندە.
