ون ءبىر كولىكتىڭ سوقتىعىسۋىمەن جاپپاي جول اپاتى بولدى

اقتوبە وبلىسى، العا اۋدانى، تامدى كەنتى ماڭىندا جاپپاي جول-كولىك وقيعاسى ورىن الدى، دەپ حابارلايدى "ادىرنا" ۇلتتىق پورتالى.
2026 جىلعى 10 اقپان ساعات 10:45 شاماسىندا رەسپۋبليكالىق ماڭىزى بار KAZ09 «اقتوبە – قاندىاعاش – دوسسور – اتىراۋ – رف شەكاراسى (قۇرمانعازى ءو/پ)» اۆتوموبيل جولىندا جاپپاي جول اپاتى بولدى.

الدىن الا مالىمەتتەر بويىنشا، جۇك كولىگىنىڭ جۇرگىزۋشىسى جولداعى كەدەرگىنى بايقاپ، قوزعالىسىن ءىشىنارا توقتاتقان. سونىڭ سالدارىنان ءبىر باعىتتا كەلە جاتقان 11 كولىك اپاتقا ۇشىراپ، سوقتىعىسۋ ورىن العان.
وقيعاعا بايلانىستى 10 اقپان كۇنى ساعات 11:30-دان باستاپ اتالعان اۆتوجولدىڭ 11–337 شاقىرىم ارالىعىندا كولىكتىڭ بارلىق ءتۇرى ءۇشىن قوزعالىس ۋاقىتشا شەكتەلدى. قازىرگى تاڭدا اپات ورنىندا 7 بىرلىك ارنايى تەحنيكا جۇمىس ىستەپ جاتىر: 2 كەشەندى جول ماشيناسى، 2 تيەگىش جانە 3 متز تەحنيكاسى.

وقيعاعا بايلانىستى الەۋمەتتىك جەلىدە مالىك وراقوۆ ەسىمدى قولدانۋشى:

"اقتوبەدە بوران كەشە كەشكىسىن باستالدى. جولداردى جاپپاي ما؟

112 حاباردى كەشە بەردى. ەشقانداي جول جابىلعان جوق. ناتيجەسى مىناۋ ەندى!
مىنا جۇرتتىڭ وبالى كىمگە؟!

ماي قىزمەتكەرلەرى بولسا، قالانىڭ ىشىندە قولدارىنا الكوتەست ۇستاپ الىپ، وتكەن كەتكەن ماشينالاردى توقتاتۋمەن بولىپ ءجۇر", - دەپ جازبا جاريالاعان.