26 جىلدان كەيىن. قىلمىستىق توپتىڭ ىزدەۋدە جۇرگەن سوڭعى مۇشەسى ۇستالدى

بەلگىلى بولعانداي، 90-جىلدارى اۋىر قىلمىس جاساعان 6 ادامنان تۇراتىن قىلمىستىق توپ مۇشەلەرى – 4 ادامدى ءولتىرۋ، جۇرگىزۋشىلەردى توناۋ، ەكونوميكالىق كونتراباندا جانە بيلىك وكىلىنىڭ نەمەسە لاۋازىمدى تۇلعانىڭ اتاعىن ءوز بەتىنشە تاعايىنداۋ ءتارىزدى فاكتىلەر بويىنشا ايىپتى بولعان. اتالعان قىلمىستىق ىستەر بويىنشا ايىپتالۋشىلارعا 26 جىل بۇرىن ىزدەۋ سالىنعان. 1998 جىلدارى اۆتوماتتى اتىس قارۋىمەن قارۋلانىپ، ميليتسيا قىزمەتكەرلەرىنىڭ قىزمەتتىك كيىمىن كيگەن قىلمىسكەرلەر قالا سىرتىنداعى اۆتوجولداردا جەزلدىڭ (ارنايى تاياق) كومەگىمەن اۆتوكولىكتەردى توقتاتىپ، جۇرگىزۋشىلەرى مەن جولاۋشىلارىن اتىپ، دەنەلەرىن ورمانعا كومگەن، جۇرگىزۋشىلەردىڭ اۆتوكولىكتەرىن زاڭسىز ساتقان.