قازاقستاندىق مەكتەپ وقۋشىلارى 2024 جىلى قازاق تىلىنەن ەمتيحان تاپسىرادى. بۇل تۋرالى وقۋ-اعارتۋ مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
قازاق تىلىنەن ەمتيحاندى 5-8 جانە 10 سىنىپ وقۋشىلارى تاپسىرادى. وزگەرىستەر 2023-2024 وقۋ جىلىنان باستاپ ەنگىزىلدى، ياعني مامىر ايىندا ستۋدەنتتەر مەملەكەتتىك ءتىلدى ءبىلۋ دەڭگەيىنەن تەستىلەۋدەن وتەدى.
مالىمەت بويىنشا، تەستىلەۋ جازباشا جانە اۋىزشا تۇردە وتەدى. تىڭداۋ، سويلەۋ، وقۋ، جازۋ سەكىلدى داعدىلار باعالانادى.
ەمتيحان تاپسىرمالارىن مۇعالىمدەر وزدەرى دايىندايدى. 5-8, 10-سىنىپتارداعى جىلدىق باعا ەمتيحان جانە جىلدىق باعالاۋ ناتيجەلەرى بويىنشا قويىلادى.
بۇل رەتتە 2024 جىلى قازاق ءتىلىن مەڭگەرۋ دەڭگەيلەرى ەنگىزىلەدى. ۇلتتىق تەستىلەۋ ورتالىعى سىناقتار وتكىزىپ، سەرتيفيكاتتار بەرەدى.
ءتىلدى مەڭگەرۋ دەڭگەيىن انىقتاۋعا ارنالعان تەست كىمدەرگە قاجەت:
- ماگيستراتۋرا مەن دوكتورانتۋراعا تۇسەتىن ستۋدەنتتەرگە;
- مەملەكەتتىك قىزمەتتىڭ "ا" ورگانىنىڭ كادر رەزەرۆىنە ەنگىزىلگەن قىزمەتكەرلەرگە (جوعارعى كادرلىق قۇرام);
- "بولاشاق" حالىقارالىق ستيپەندياسىنا ۇمىتكەرلەرگە;
- ۇقك اكادەمياسىنا تۇسۋگە ءوتىنىش بىلدىرگەن ستۋدەنتتەرگە;
- "نازارباەۆ زياتكەرلىك مەكتەبىنىڭ" مۇعالىمدەرىنە.
ەسكە سالا كەتەيىك، بۇعان دەيىن بۇل ەمتيحاندى 9 جانە 11 سىنىپ وقۋشىلارى عانا تاپسىراتىن.
