Qazaqstandyq mektep oqýshylary 2024 jyly qazaq tilinen emtıhan tapsyrady. Bul týraly oqý-aǵartý mınıstrligi málimdedi, dep habarlaıdy “Adyrna” ulttyq portaly.
Qazaq tilinen emtıhandy 5-8 jáne 10 synyp oqýshylary tapsyrady. Ózgerister 2023-2024 oqý jylynan bastap engizildi, ıaǵnı mamyr aıynda stýdentter memlekettik tildi bilý deńgeıinen testileýden ótedi.
Málimet boıynsha, testileý jazbasha jáne aýyzsha túrde ótedi. Tyńdaý, sóıleý, oqý, jazý sekildi daǵdylar baǵalanady.
Emtıhan tapsyrmalaryn muǵalimder ózderi daıyndaıdy. 5-8, 10-synyptardaǵy jyldyq baǵa emtıhan jáne jyldyq baǵalaý nátıjeleri boıynsha qoıylady.
Bul rette 2024 jyly qazaq tilin meńgerý deńgeıleri engiziledi. Ulttyq testileý ortalyǵy synaqtar ótkizip, sertıfıkattar beredi.
Tildi meńgerý deńgeıin anyqtaýǵa arnalǵan test kimderge qajet:
- magıstratýra men doktorantýraǵa túsetin stýdentterge;
- memlekettik qyzmettiń "A" organynyń kadr rezervine engizilgen qyzmetkerlerge (joǵarǵy kadrlyq quram);
- "Bolashaq" halyqaralyq stıpendııasyna úmitkerlerge;
- UQK akademııasyna túsýge ótinish bildirgen stýdentterge;
- "Nazarbaev Zııatkerlik mektebiniń" muǵalimderine.
Eske sala keteıik, buǵan deıin bul emtıhandy 9 jáne 11 synyp oqýshylary ǵana tapsyratyn.
