جاڭا جىلدان باستاپ ەلىمىزدە زەينەتاقى مولشەرى ءوستى. ەندى مەملەكەتتىك بازالىق زەينەتاقىنىڭ ەڭ تومەنگى مولشەرى – 28 215 تەڭگە، زەينەتاقىنىڭ ەڭ تومەنگى مولشەرى – 57 853 تەڭگە.
جاسى بويىنشا جانە ەڭبەك ەتكەن جىلدارى ءۇشىن زەينەتاقى تولەمدەرىنىڭ مولشەرى 2024 جىلعى 1 قاڭتاردان باستاپ 9%-كە ءوسىپ وتىر. ال مەملەكەتتىك بازالىق زەينەتاقى تولەمى 7 پروتسەنتكە كوتەرىلدى.
ايتا كەتسەك، 2023 جىلدان 2027 جىلعا دەيىن ەڭ تومەنگى بازالىق زەينەتاقىنىڭ مولشەرىن ەڭ تومەنگى كۇنكورىس دەڭگەيىنىڭ 54%-ىنەن 70%-ىنە، ال ەڭ جوعارى مولشەرىن 100%-ىنەن 120 پروتسەنىنە دەيىن كەزەڭ-كەزەڭىمەن ۇلعايتۋ جوسپارلانعان.
وتكەن جىلدىڭ باسىندا بازالىق زەينەتاقىنىڭ ەڭ تومەنگى مولشەرى 54%-تەن 60%-كە دەيىن ءوستى. بەس جىل ىشىندە بازالىق زەينەتاقى ورتا ەسەپپەن 50%-كە ارتادى دەگەن جوسپار بار.
قازىر ەلىمىزدە شامامەن 2,3 ميلليوننان استام زەينەتكەر بار.
قولدانىستاعى زاڭعا سايكەس، قازاقستاندا ەرلەر 63 جاسىندا، ال ايەلدەر 2028 جىلعا دەيىن 61 جاسىندا زەينەتكە شىعادى.
