مۇزتاۋ (رەسەيدە بەلۋحا اتالادى) اۋماعىندا قازاقستان مەن رەسەي اراسىنداعى شەكارا بەلگىلەۋ ماسەلەسى ءالى ءجۇرىپ جاتىر، دەپ حابارلايدى "ادىرنا" ۇلتتىق پورتالى كۋرسيۆكە سىلتەمە جاساپ.
رەسەي پرەزيدەنتى ۆلاديمير پۋتين قازاقستان مەن رەسەي اراسىنداعى شەكارانى بەلگىلەۋ ماسەلەسىن تەزىرەك اياقتاۋدى تاپسىرعان بولاتىن. قازاقستان-رەسەي شەكاراسى مۇزتاۋمەن (بەلۋحا) وتەتىندىكتەن تۋريستەر تابيعي نىسانعا بارعاندا شەكارالىق باقىلاۋ ەرەجەلەرىن بۇزۋعا ءماجبۇر ەكەنى دە ايتىلۋدا.
شەكارانى ناقتى بەلگىلەپ، ەكى ەلدىڭ تۋريستەرى تاۋعا ەركىن كىرىپ-شىعۋ ماسەلەسى تالقىلاۋ تۋرالى سەنات دەپۋتاتى ولگا بۋلاۆكينا مالىمدەدى.
“مۇندا بارلىعى شەكارانى دەماركاتسيالاۋدىڭ قاشان اياقتالۋىنا بايلانىستى. ول جەردەگى ءتۋريزمنىڭ دامۋى ەكى ەل ءۇشىن دە ماڭىزدى. پروتسەسس اياقتالا سالىسىمەن ەكى ەلدىڭ مينيسترلەرى ءوزارا كەلىسىمگە وتىرىپ، مۇزتاۋ اۋماعىنا بارىپ، تۋريستىك ورىنداردىڭ قالاي ورنالاساتىنىن تالقىلايدى”، - دەيدى دەپۋتات.
شىعىس قازاقستان وبلىسىنىڭ اكىمى ەرمەك كوشەرباەۆ بۇل ماسەلەنى ءوزارا شەشۋ كەرەكتىگىن ايتتى.
“ماسەلە تەك رەسەيلىك تۋريستەردىڭ بۇل اۋماققا كىرە المايتىنىندا ەمەس. ەگەر ءبىز ءوزارا بايلانىستى رەتتەسەك، وندا ءبىزدىڭ تۋريستەر دە رەسەي اۋماعىنا جاقىن بولعاندىقتان شەكارادان وتۋگە تۋرا كەلەدى. ولاي بولماعان جاعدايدا ۇزاق جولمەن اينالىپ ءوتۋ كەرەك بولادى. ەگەر قوس مەملەكەت تە شەكاراداعى وتكەلدى جاساۋعا نيەتتى بولسا ونى سالۋ كەرەك”، – دەيدى ەرمەك كوشەرباەۆ.
ونىڭ ايتۋىنشا، شەكارا ماسەلەسى ۇكىمەتارالىق كوميسسيانىڭ وتىرىستارىندا تالقىلانادى. بىراق ونىڭ قاشان شەشىم تاباتىنى ورتالىق ورگانداردىڭ كەلىسىمىنە بايلانىستى.
بيىل تامىز ايىنىڭ باسىندا رەسەي باسشىسى ۇكىمەت مۇشەلەرىمەن كەزدەسۋىندە «بىزدە قازاقستانمەن شەكارادا شەشىلمەگەن ءبىر ماسەلە — بەلۋحا تاۋى بار. ۇكىمەتارالىق كەلىسىمگە قول قويۋ كەرەك. ويتكەنى تاۋعا شىعۋ ءۇشىن قازاقستاننىڭ اۋماعىن پايدالانۋ كەرەك، ول جاقتا شەكارالىق رەجيم بار. بىراق بۇل ماسەلە دە ءبىزدىڭ ەرەكشە باقىلاۋىمىزدا»، - دەگەن.
مۇزتاۋ (بەلۋحا) — قازاقستان مەن رەسەي شەكاراسىن ءبولىپ جاتقان تاۋ. ول كوكسۋ اۋدانى ارقىلى التاي رەسپۋبليكاسى مەن شىعىس قازاقستان وبلىسىنىڭ اۋماقتارى ارقىلى وتەدى.
