قازاقستان پرەزيدەنتى قاسىم-جومارت توقاەۆ قازاقستاندىقتاردى جاڭا 2024 جىلمەن قۇتتىقتادى، دەپ حابارلايدى “ادىرنا” ۇلتتىق پورتالى.
ء“بىز كەلەسى جىلى ۇلتتىڭ قايتا ورلەۋىنىڭ كۋاسى بولامىز” دەپ باستادى مەملەكەت باسشىسى جاڭا جىلدىق قۇتتىقتاۋىن.
“جاڭا جىل – ءاردايىم جاڭا مىندەتتەر جۇكتەلەتىن، جاڭا سىن-قاتەرلەردى ەڭسەرەتىن كەزەڭ. ءبىز كەلەسى جىلى ۇلتتىڭ قايتا ورلەۋىنىڭ كۋاسى بولامىز»، - دەدى مەملەكەت باسشىسى قاسىم-جومارت توقاەۆ جاڭا جىلدىق قۇتتىقتاۋىندا.
پرەزيدەنتتىڭ ايتۋىنشا، باسەكەگە قابىلەتتى ءارى دامىعان ەل بولۋ ءۇشىن ءالى دە كوپ تەر توگۋىمىز قاجەت.
«جاڭا جىلدا مەملەكەتتىگىمىزدى نىعايتۋ جانە حالىقتىڭ ءال-اۋقاتىن ارتتىرۋ جولىنداعى جۇيەلى رەفورمالار جالعاسىن تابادى. ءبىز زاڭ مەن ءتارتىپتىڭ ۇستەمدىگىن ورنىقتىرۋ ءۇشىن كەشەندى شارالار قابىلدايمىز. مەملەكەت تاراپىنان ونەركاسىپتى، اۋىل شارۋاشىلىعىن، ەنەرگەتيكا جانە ەكونوميكانىڭ باسقا دا سالالارىن وركەندەتۋدى كوزدەيتىن تىڭ باستامالار قولعا الىنادى. ءبىز الەۋمەتتىك جاعدايى تومەن، كومەككە مۇقتاج جاندارعا ءاردايىم قامقور بولامىز. مۇعالىم، دارىگەر، قۇتقارۋشى، اسكەري قىزمەتشى، ءتارتىپ ساقشىسى جانە باسقا دا كاسىپ يەلەرىنە قولداۋ كورسەتەمىز.
ءبىز جاس ۇرپاقتىڭ جارقىن بولاشاعىنا جول اشاتىن ماڭىزدى شەشىمدەر قابىلداپ جاتىرمىز. جاقىندا ۇلتتىق قورداعى قارجىنىڭ ءبىر بولىگى بالالاردىڭ ەسەپشوتىنا تۇسە باستايدى. ەلىمىزدىڭ جاستارى بولاشاققا نىق سەنىممەن قاراۋى كەرەك»، - دەدى ق. توقاەۆ قازاقستان حالقىنا قۇتتىقتاۋىندا.
