قازاقستان پرەزيدەنتى قاتارعا ءىس-ساپارمەن اتتاندى، دەپ حابارلايدى "ادىرنا" ءتىلشىسى اقورداعا سىلتەپ.
دوحاداعى «حاماد» حالىقارالىق اۋەجايىنان قاتار مەملەكەتىنىڭ ءامىرى شەيح ءتاميم بەن حاماد ءال ءتاني قازاقستان باسشىسى قاسىم-جومارت توقاەۆتى ارنايى قارسى الدى.
مەملەكەت باسشىلارى اۋەجايدىڭ مارتەبەلى مەيماندار زالىندا قىسقاشا پىكىر الماستى.
بۇگىن، 14 اقپان كۇنى قاسىم-جومارت توقاەۆ قاتار مەملەكەتىنىڭ ءامىرى شەيح ءتاميم بەن حاماد ءال تانيمەن جانە پرەمەر-ءمينيسترى شەيح مۇحاممەد بەن ابدۋلراحمان ءال تانيمەن ارنايى كەلىسسوزدەر جۇرگىزىپ، بىرقاتار ەكىجاقتى قۇجاتقا قول قويۋ جوسپارلانىپ وتىر.