Qazaqstan prezidentı Qasym-Jomart Toqaev qazaqstandyqtardy Jaŋa 2024 jylmen qūttyqtady, dep habarlaidy “Adyrna” ūlttyq portaly.
“Bız kelesı jyly ūlttyŋ qaita örleuınıŋ kuäsı bolamyz” dep bastady Memleket basşysy Jaŋa jyldyq qūttyqtauyn.
“Jaŋa jyl – ärdaiym jaŋa mındetter jükteletın, jaŋa syn-qaterlerdı eŋseretın kezeŋ. Bız kelesı jyly ūlttyŋ qaita örleuınıŋ kuäsı bolamyz», - dedı Memleket basşysy Qasym-Jomart Toqaev Jaŋa jyldyq qūttyqtauynda.
Prezidenttıŋ aituynşa, bäsekege qabılettı ärı damyǧan el bolu üşın älı de köp ter töguımız qajet.
«Jaŋa jylda memlekettıgımızdı nyǧaitu jäne halyqtyŋ äl-auqatyn arttyru jolyndaǧy jüielı reformalar jalǧasyn tabady. Bız zaŋ men tärtıptıŋ üstemdıgın ornyqtyru üşın keşendı şaralar qabyldaimyz. Memleket tarapynan önerkäsıptı, auyl şaruaşylyǧyn, energetika jäne ekonomikanyŋ basqa da salalaryn örkendetudı közdeitın tyŋ bastamalar qolǧa alynady. Bız äleumettık jaǧdaiy tömen, kömekke mūqtaj jandarǧa ärdaiym qamqor bolamyz. Mūǧalım, därıger, qūtqaruşy, äskeri qyzmetşı, tärtıp saqşysy jäne basqa da käsıp ielerıne qoldau körsetemız.
Bız jas ūrpaqtyŋ jarqyn bolaşaǧyna jol aşatyn maŋyzdy şeşımder qabyldap jatyrmyz. Jaqynda Ūlttyq qordaǧy qarjynyŋ bır bölıgı balalardyŋ esepşotyna tüse bastaidy. Elımızdıŋ jastary bolaşaqqa nyq senımmen qarauy kerek», - dedı Q. Toqaev Qazaqstan halqyna qūttyqtauynda.
Ūqsas jaŋalyqtar
