Bügın — jazuşy, ädebiet synşysy, dramaturg, Qazaqstan Respublikasy Memlekettık syilyǧynyŋ laureaty Asqar Süleimenovtıŋ tuǧan künı.
Belgılı qalamger 1938 jyly 29 jeltoqsanda Oŋtüstık Qazaqstan oblysy, Türkıstan audanyndaǧy Şornaq auylynda tuǧan. Abai atyndaǧy Qazaq pedagogikalyq institutynyŋ tarih-filologiia fakultetın jäne sol instituttyŋ aspiranturasyn bıtırgen. «Jūldyz» jurnalynda, «Qazaqfilm» kinostudiiasynda, Qazaqstan Jazuşylar odaǧynyŋ apparatynda, M.Äuezov atyndaǧy Qazaq akademiialyq drama teatrynda, «Parasat» jurnalynda qyzmet ıstegen.
«Besın», «Adasqaq», «Besatar» prozalyq kıtaptardyŋ, ädebiet jäne öner jaily jazylǧan köptegen maqalalardyŋ avtory. «Arǧymaq pen şabandoz», «Qūlager» kinossenariilerın jazdy. «Kek», «Jazuşymen jüzdesu», «Jetınşı palata» dramalary, «Bolmys pen betpe-bet», «Kek» (2001) kıtaptary jaryq kördı. Ol B.Brehtıŋ, E.Şvarstyŋ pesalaryn audarǧan. 1996 jyly «Situasiialar» triptihy üşın Qazaqstan Respublikasynyŋ Memlekettık syilyǧy berıldı. Jazuşy turaly «Parasat padişasy» atty kıtap şyqty. Sozaq jäne Saryaǧaş audandarynda mektepterge ol kısınıŋ esımı berılgen.
Ūqsas jaŋalyqtar
