قازتاگ قازاقستاننان باسقا بارلىق ەل ءۇشىن اگەنتتىك سايتىنا كىرۋدى جابۋ تۋرالى شەشىم قابىلدادى. بۇعان DDoS-شابۋىلدارى سەبەپ بولعان، دەپ حابارلايدى «ادىرنا» ءتىلشىسى.
«شابۋىلداردىڭ نەگىزگى لەگى شەتەلدەن كەلىپ جاتىر. ءبىز وتاندىق اۋديتورياعا دا، شەتەلدىك اۋديتورياعا دا نازار اۋدارامىز، بىراق بۇل جاعدايدا ءبىز قازاقستانداعى اۋديتوريانىڭ پايداسىنا تاڭداۋ جاسادىق. ارينە، بۇل ءبىز ءۇشىن دە، وزگە ەلدەگى وقىرماندارىمىز ءۇشىن دە ۇلكەن شىعىن. بىراق نەگىزگى تاپسىرما ورىندالدى، ياعني سايتتىڭ فۋنكتسيونالدىعى ساقتالدى. ءبىز ەلدەگى تۇراقتىلىقتى قامتاماسىز ەتۋگە، سونداي-اق ونىڭ مەملەكەتتىلىگىن ساقتاۋعا جانە نىعايتۋعا باعىتتالعان قازاق قوعامى ءۇشىن اسا ماڭىزدى تاقىرىپتارعا ماتەريالدار جاريالاۋدى جالعاستىرامىز»،—دەپ جازدى باق.
