شىعىس قازاقستان وبلىسىنىڭ تۇرعىنى سەپاراتيستىك مالىمدەمەلەرى ءۇشىن 5 جىلعا باس بوستاندىعىنان ايىرىلدى، دەپ حابارلايدى "ادىرنا" ءتىلشىسى.
شىعىس قازاقستان وبلىستىق سوتى شىعىس قازاقستان جەرىن رەسەيگە بەرۋ كەرەك دەگەن ازاماتتى جاۋاپكەرشىلىككە تارتتى.
التايدىڭ اۋداندىق سوتى قىلمىستىق كودەكستىڭ 180-بابىنىڭ 2-بولىگى بويىنشا د. ەسىمدى تۇرعىنعا قاتىستى قىلمىستىق ءىستى قاراعان. 18 تامىز كۇنى ايەل سەپاراتيستىك پيعىلىن الەۋمەتتىك جەلىلەردەگى جازبالاردىڭ بىرىنە پىكىر رەتىندە جازعان.
"اككاۋنت پاراقشاسىنىڭ اشىق قولجەتىمدىلىگى بار ەكەنىن جانە جاريالانىمنىڭ استىنداعى تالقىلاناتىن تاقىرىپ Instagram جەلىسىن پايدالانۋشىلاردىڭ شەكتەۋسىز توبىنا قولجەتىمدى ەكەنىن بىلە وتىرىپ، ول شىعىس قازاقستان وبلىسىنىڭ اۋماعىنىڭ بولاشاقتا رەسەي فەدەراتسياسىنا قوسىلۋى تۋرالى ەكسترەميستىك يدەيالار مەن پيعىلىن بىلدىرگەن. اسىراۋىندا ەكى جاس بالانىڭ بولۋى، كىناسىن مويىنداۋى، جاساعان ىسىنە وكىنۋى جەڭىلدەتەتىن ءمان-جاي دەپ تانىلدى. وسىلايشا د. ەسىمدى ازاماتشاعا قاتىستى 5 جىلعا باس بوستاندىعىنان ايىرۋ جازاسى تاعايىندالدى. بىراق ونىڭ بالالارى 14 جاسقا تولماعاندىقتان، جازانى ورىنداۋ 5 جىلعا كەيىنگە قالعان. ۇكىم زاڭدى كۇشىنە ەندى", - دەلىنگەن ءباسپاسوز حابارلاماسىندا.
