Shyǵys Qazaqstan oblysynyń turǵyny separatıstik málimdemeleri úshin 5 jylǵa bas bostandyǵynan aıyryldy, dep habarlaıdy "Adyrna" tilshisi.
Shyǵys Qazaqstan oblystyq soty Shyǵys Qazaqstan jerin Reseıge berý kerek degen azamatty jaýapkershilikke tartty.
Altaıdyń aýdandyq soty Qylmystyq kodekstiń 180-babynyń 2-bóligi boıynsha D. esimdi turǵynǵa qatysty qylmystyq isti qaraǵan. 18 tamyz kúni áıel separatıstik pıǵylyn áleýmettik jelilerdegi jazbalardyń birine pikir retinde jazǵan.
"Akkaýnt paraqshasynyń ashyq qoljetimdiligi bar ekenin jáne jarııalanymnyń astyndaǵy talqylanatyn taqyryp Instagram jelisin paıdalanýshylardyń shekteýsiz tobyna qoljetimdi ekenin bile otyryp, ol Shyǵys Qazaqstan oblysynyń aýmaǵynyń bolashaqta Reseı federaııasyna qosylýy týraly ekstremıstik ıdeıalar men pıǵylyn bildirgen. Asyraýynda eki jas balanyń bolýy, kinásin moıyndaýy, jasaǵan isine ókinýi jeńildetetin mán-jaı dep tanyldy. Osylaısha D. esimdi azamatshaǵa qatysty 5 jylǵa bas bostandyǵynan aıyrý jazasy taǵaıyndaldy. Biraq onyń balalary 14 jasqa tolmaǵandyqtan, jazany oryndaý 5 jylǵa keıinge qalǵan. Úkim zańdy kúshine endi", - delingen baspasóz habarlamasynda.
