دەپۋتات ەرلان سايروۆ ءماجىلىس وتىرىسىندا مەملەكەتتىڭ قارىزى تۋرالى ءسوز قوزعادى، دەپ حابارلايدى "ادىرنا" ءتىلشىسى.
دەپۋتات ەرلان سايروۆ بيۋدجەت كودەكسىندە مەملەكەتتىك قارىزدى رەتتەۋ تەتىكتەرى قاراستىرىلۋى ءتيىس ەكەنىن ايتتى.
"كۆازيمەملەكەتتىك سەكتورمەن قوسقاندا مەملەكەتتىك قارىز 105 ميلليارد دوللارعا جەتتى، بۇل بۇكىل بيۋدجەتتىڭ 40 پايىزى. مەملەكەتتىك قارىز 40 پايىزعا جەتەتىن بولسا، وندا ەلدە قارجىلىق ماسەلەلەر باستالادى. بۇرىن كەيبىر ەلدەر، ارگەنتينا، گرەتسيا ءدال وسىنداي پروبلەمادان ەگەمەندىگىنەن ايىرىلىپ قالدى. بۇل ەڭ الدىمەن ەلدىڭ ۇلتتىق قاۋىپسىزدىگىنە قاتىستى. وزدەرىڭىز بىلەسىزدەر، مۇنداي قارىز پروبلەمالارى سالدارىنان كەيبىر مەملەكەتتەر ەگەمەندىگىنەن ايىرىلعان، بۇل وتە ماڭىزدى ماسەلە", - دەدى ماجىلىسمەن.
قارجى ءمينيسترى ەرۇلان جاماۋباەۆ دەپۋتاتتىڭ ساۋالىنا جاۋاپ بەردى.
"بۇل ماسەلە تەك دەپۋتاتتاردى عانا ەمەس، ءبىزدى دە الاڭداتادى، ويتكەنى مەملەكەتتىك قارىزدىڭ ءوسۋى جاقسى ەمەس. سوعان قاراماستان، بۇگىندە بارلىق كوۆەنانت جوعارى دەڭگەيدە. ءبىز مەملەكەتتىك قارىزدى كوبەيتپەۋ شارالارىن قابىلداپ جاتىرمىز", - دەدى جاماۋباەۆ.
بيۋدجەت كودەكسىنىڭ جوباسى قارالىپ، ءبىرىنشى وقىلىمدا قابىلدانعان بولاتىن. بىراق دەپۋتاتتاردان سىن كوپ بولدى. سول سەبەپتى ەكىنشى وقىلىمدا ۇكىمەتكە قاجەتتى وزگەرىستەردى ەنگىزۋ ۇسىنىلدى.
"جالپى مەملەكەتتىك قارىز ماسەلەسى مەملەكەتتىڭ ەرەكشە باقىلاۋىندا. بيۋدجەت كودەكسى، تالداۋ بارىسىندا ايتقانىمداي، ەو حالىقارالىق ۇيىمدارىنىڭ ساراپشىلارى... زەرتتەۋى وتە ءتيىمدى، سونىمەن قاتار ناقتى قۇجات بولۋى كەرەك. مەحانيزم رەتىندە، مۇمكىن، تاپشىلىقتى كورسەتە الامىز، بىراق وسى تاپشىلىقتاردى وتەۋگە باعىتتالعان قارىزدار، ونى قانداي باپتاردا كورسەتەمىز - جوعارى اۋديتورلىق پالاتامەن بىرلەسىپ، دەپۋتاتتىق كورپۋسپەن بىرلەسىپ جۇمىس ىستەيمىز. ەكىنشى وقىلىمعا دەيىن شەشىم قابىلدايمىز", - دەدى ۆيتسە-پرەمەر.
