قىتايدىڭ سولتۇستىك-باتىسىندا 19 جەلتوقسانعا اۋعان ءتۇنى بولعان جەر سىلكىنىسىنەن 127 ادام قازا تاۋىپ، 700-گە جۋىق ادام جاراقات الدى، دەپ حابارلايدى "ادىرنا" ۇلتتىق پورتالى bbc سايتىنا سىلتەپ.
جەر سىلكىنىسى گانسۋ پروۆينتسياسىندا ءتۇن ورتاسىندا بولىپ، گانسۋ پروۆينتسياسىندا دا، كورشى تسينحاي پروۆينتسياسىندا دا عيماراتتار قيراپ، ينفراقۇرىلىمعا زاقىم كەلگەن.
اقش گەولوگيالىق قىزمەتىنىڭ (USGS) مالىمەتىنشە، جەر سىلكىنىسىنىڭ ماگنيتۋداسى 6,2 باللدى قۇراپ، جەر سىلكىنىسىنىڭ وشاعى 10 شاقىرىم تەرەڭدىكتە بولعان.
اپات بولعان ايماققا مىڭداعان ءورت سوندىرۋشىلەر مەن قۇتقارۋشىلار جىبەرىلىپ، قۇتقارۋ جۇمىستارىنا اسكەريلەر تارتىلدى. ولار نولدەن تومەن تەمپەراتۋرادا جۇمىس ىستەۋدە، بۇل ايماق ءۇشىن مۇنداي سۋىق اۋا-رايىندا جۇمىس ىستەۋ رەكوردتىق كورسەتكىش.
كەيبىر اۋدانداردا جارىق مەن سۋ بەرۋ ۇزىلگەن.
ەكىنشى جەر سىلكىنىسى شىڭجاڭ پروۆينتسياسىندا تىركەلدى.
قىتاي باسشىسى سي تسزينپين «ىزدەستىرۋ-قۇتقارۋ جۇمىستارىن جۇرگىزۋگە، زارداپ شەككەندەرگە دەر كەزىندە كومەك كورسەتۋگە جانە زارداپ شەككەندەردىڭ سانىن ازايتۋعا بار كۇش-جىگەردى سالۋ كەرەك» دەدى.
