تاريح وتكەلەگىندەگى «اۋىسپالى كەزەڭدەردى» تابىستى وتكەرىپ، ەگەمەندىگىمەن ۇلتتىق ساياساتىن نىعايتقان، جاھاندىق كەڭىستىكتە وزىندىك مودەلىن قالىپتاستىرىپ، تۇتاس دۇنيەگە تەگىس تانىلعان ەلىمىزدىڭ تاۋەلسىزدىك العانىنا 32 جىل تولدى.
قازاقستان عاسىر ولشەمىمەن العانداعى از عانا ۋاقىت ىشىندە ءوزىنىڭ نىق تۇعىرىنا قوندى. حالىقارالىق ساياسي الاماندا سالماقتى ساياساتى، ورنىقتى ۇستانىمىمەن ءوزىنىڭ دەگدار بەينەسىن قالىپتاستىردى. تاۋەلسىزدىك تاڭى اتقالى ۇلتتىق قۇندىلىقتارىمىز جانداندى، ءتىل مەن ءدىل، مادەنيەت پەن ءداستءۇر، ساف ونەر مەن ۇلتتىق ەكونوميكا، ءتول مەديتسينا بىرقاتار جەتىستىكتەرگە جەتتى.
قاستەرلى ءارى قۇنى جوعارى مەرەكەسىڭ، ءار ازامات ءۇشىن باعاسى بيىك كيەلى كۇننىڭ شاراپاتى مەن ءمان-ماڭىزى «وتان سوعىسى ارداگەرلەرىنە ارنالعان رەسپۋبليكالىق كلينيكالىق گوسپيتالىندە» دە جوعارعى دارەجەدە ۇلىقتالدى. ەڭسەلى ەگەمەندىكتىڭ تاريحي ماڭىزى ايشىقتالعان مەرەكەلىك كەشتە ۇلتسۇيەر ازاماتتار جىر وقىپ، دارابوز دارىن يەلەرى پاتريوتتىق ءان شىرقادى.
كەش اشىلۋىندا «وتان سوعىسىنىڭ ارداگەرلەرىنە ارنالعان كلينيكالىق رەسپۋبليكالىق گوسپيتال» ديرەكتورىنىڭ «ەمدەۋ ءىسى» قىزمەتى بويىنشا ورىنباسارى كالمۋراتوۆا نۋريا تاسباەۆنا تەبىرەنە سويلەپ، ءمان-ماڭىزى زور مەرەكە جايىندا سىر شەرتتى. قۇرمەتتى دارىگەردىڭ تاۋەلسىزدىك تولعامى جايلى تولىمدى بايانداماسىنان كەيىن گوسپيتال ديرەكتورى دجۋماسەيتوۆا گاۋحار تازابەكقىزى ۇجىمداعى 19-قىزمەتكەردى ارنايى «العىس حاتپەن» ماراپاتتاپ، الۋان ءتۇرلى تاعدىر كەشكەن ارداگەرلەردىڭ قامقورشىسىنا اينالعان قىزمەتكەرلەرگە قۇرمەت كورسەتتى.
كەيىننەن«امانات» پارتياسىنىڭ مەدەۋ اۋداندىق فيليالى توراعاسىنىڭ ورىنباسارى تاسشاباي احمەت بولاتۇلى جان ساۋلىعى مەن ءتان ساۋلىعىنىڭ ساقشىلارىن قاستەرلى مەرەكەمەن قۇتتىقتادى. احمەت بولاتۇلى تاۋەلسىزدىك جىلدارىندا جەتكەن ەلىمىزدىڭ ەلەۋلى جەتىستىكتەرىنە، ۇلىق مەرەكەنىڭ قوعامدىق-cاياسي ءمان-ماڭىزىنا توقتالدى. سونىمەن قاتار، بيىل مەرەيلى 60 جاسقا كەلگەن ۇجىم قىزمەتكەرى احمەدجانوۆا فاريدا جايشيگاليەۆناعا ارنايىقۇتتىقتاۋ حاتىن تابىستادى.
كەشتىڭ «شىرقاۋ شەگىندە» قۇرمەتكە بولەنگەن دارىگەرلەر مەن ۇجىم قىزمەتكەرلەرىءنىڭ كوڭىلىن قۇتايتقان جالىندى جىر، رۋحتى ءان شىرقالىپ،ەرەكشە ءبىر مەرەكەلىك اۋان سالتانات قۇردى.
ويماقتاي ورتادا «تاۋەلسىزدىك ساياسىن پانالاپ» ءوز ونەرىن پاش ەتكەن تەمىربەك جۇرگەنوۆ اتىنداعى ونەر اكادەمياسىنىڭ دارىندى ستۋدەنتتەرى دە كوپشىلىكتىڭ قۇرمەتىنە بولەنءىپ، كەش سوڭىنداكورەرمەننىڭ ايرىقشا العىسىن الدى.
داستان قاستاي
«وتان سوعىسى ارداگەرلەرىنە ارنالعان رەسپۋبليكالىق كلينيكالىق گوسپيتالىءنىڭ» مامانى
