ءماجىلىس دەپۋتاتى ابزال قۇسپان مەديتسينا قىزمەتكەرلەرىنە قوقان-لوقى كورسەتۋ ارەكەتتەرىن قىلمىس قاتارىنا ەنگىزۋ ماسەلەسىنە بايلانىستى ىشكى ىستەر مينيسترلىگىنە دەپۋتاتتىق ساۋال جولدادى، دەپ حابارلايدى “ادىرنا” ۇلتتىق پورتالى.
دەپۋتاتتىڭ ايتۋىنشا، كەي جاعدايدا ازاماتتاردىڭ اشۋعا بەرىلۋىنە ءتۇرلى سەبەپ بولۋى مۇمكىن.
«دارىگەرلەرگە “كۇش كورسەتەمىن” دەپ قورقىتۋدى قىلمىس قاتارىنا جاتقىزىپ وتىرسىزدار. ءتۇرلى جاعداي بولادى: ءبىرى – جاقىنىنان ايىرىلىپ قالادى، ءبىرى – دۇرىس مەديتسينالىق قىزمەت الا المايدى. مەملەكەتتىك تە، جەكەمەنشىك تە مەكەمەلەر بار. ادام ءتىس ەمحاناسىنا بارادى، بىراق ساپالى قىزمەت كورسەتىلمەيدى. سوعان وراي اشۋلى سوزدەر ايتىلۋى مۇمكىن. سونىڭ ءبارىن قىلمىس دەپ تانىپ وتىرسىزدار. ەرتەڭ پراكتيكادا قىلمىستار سانى كۇرت ارتىپ كەتەدى دەپ ويلامايسىز با؟» – دەدى ابزال قۇسپان.
ساۋالعا ىشكى ىستەر ءمينيسترىنىڭ ورىنباسارى سانجار ءادىلوۆ جاۋاپ بەردى.
ونىڭ ايتۋىنشا، قوقان-لوقى ارەكەتى قىلمىس دەپ تانىلۋى ءۇشىن ناقتى قاۋىپ تۋدىرۋى كەرەك.
«قىلمىستىق پروتسەستىڭ ۇستانىمدارىنا كەلسەك، ەڭ باستىسى – قورقىتۋ ارەكەتىنىڭ ادام ءۇشىن شىنايى قاۋىپ تۋدىرۋى. ەگەر ادام قولىنا پىشاق ۇستاپ، “ۇرامىن” دەسە، بۇل – باسقا باپ بويىنشا قارالاتىن جاعداي. ال جاي ءسوز ارقىلى ايتىلعان قورقىتۋ بولسا، وعان باسقاشا قۇقىقتىق باعا بەرىلەدى. مۇمكىن، قىلمىستىق ءىس قوزعالماي، باسقا شەشىم قابىلدانۋى مۇمكىن»، – دەدى ۆيتسە-مينيستر ءادىلوۆ.
