Tarih ötkelegındegı «auyspaly kezeŋderdı» tabysty ötkerıp, egemendıgımen ūlttyq saiasatyn nyǧaitqan, jahandyq keŋıstıkte özındık modelın qalyptastyryp, tūtas düniege tegıs tanylǧan elımızdıŋ täuelsızdık alǧanyna 32 jyl toldy.
Qazaqstan ǧasyr ölşemımen alǧandaǧy az ǧana uaqyt ışınde özınıŋ nyq tūǧyryna qondy. Halyqaralyq saiasi alamanda salmaqty saiasaty, ornyqty ūstanymymen özınıŋ degdar beinesın qalyptastyrdy. Täuelsızdık taŋy atqaly ūlttyq qūndylyqtarymyz jandandy, tıl men dıl, mädeniet pen dästür, saf öner men ūlttyq ekonomika, töl medisina bırqatar jetıstıkterge jettı.
Qasterlı ärı qūny joǧary merekesıŋ, är azamat üşın baǧasy biık KİELI KÜNNIŊ şarapaty men män-maŋyzy «Otan soǧysy ardagerlerıne arnalǧan respublikalyq klinikalyq gospitalınde» de joǧarǧy därejede ūlyqtaldy. Eŋselı egemendıktıŋ tarihi maŋyzy aişyqtalǧan merekelık keşte ūltsüier azamattar jyr oqyp, daraboz daryn ielerı patriottyq än şyrqady.
Keş aşyluynda «Otan soǧysynyŋ ardagerlerıne arnalǧan klinikalyq respublikalyq gospital» direktorynyŋ «emdeu ısı» qyzmetı boiynşa orynbasary Kalmuratova Nuriia Tasbaevna tebırene söilep, män-maŋyzy zor mereke jaiynda syr şerttı. Qūrmettı därıgerdıŋ täuelsızdık tolǧamy jaily tolymdy baiandamasynan keiın gospital direktory Djumaseitova Gauhar Tazabekqyzy ūjymdaǧy 19-qyzmetkerdı arnaiy «Alǧys hatpen» marapattap, aluan türlı taǧdyr keşken ardagerlerdıŋ qamqorşysyna ainalǧan qyzmetkerlerge qūrmet körsettı.
Keiınnen«Amanat» partiiasynyŋ Medeu audandyq filialy töraǧasynyŋ orynbasary Tasşabai Ahmet Bolatūly jan saulyǧy men tän saulyǧynyŋ saqşylaryn qasterlı merekemen qūttyqtady. Ahmet Bolatūly täuelsızdık jyldarynda jetken elımızdıŋ eleulı jetıstıkterıne, ūlyq merekenıŋ qoǧamdyq-caiasi män-maŋyzyna toqtaldy. Sonymen qatar, biyl mereilı 60 jasqa kelgen ūjym qyzmetkerı Ahmedjanova Farida Jaişigalievnaǧa arnaiyqūttyqtau hatyn tabystady.
Keştıŋ «şyrqau şegınde» qūrmetke bölengen därıgerler men ūjym qyzmetkerlerınıŋ köŋılın qūtaitqan jalyndy jyr, ruhty än şyrqalyp,erekşe bır merekelık auan saltanat qūrdy.
Oimaqtai ortada «Täuelsızdık saiasyn panalap» öz önerın paş etken Temırbek Jürgenov atyndaǧy öner akademiiasynyŋ daryndy studentterı de köpşılıktıŋ qūrmetıne bölenıp, keş soŋyndakörermennıŋ airyqşa alǧysyn aldy.
Dastan Qastai «Otan soǧysy ardagerlerıne arnalǧan respublikalyq klinikalyq gospitalınıŋ» mamany
