Tarıh ótkelegindegi «aýyspaly kezeńderdi» tabysty ótkerip, egemendigimen ulttyq saıasatyn nyǵaıtqan, jahandyq keńistikte ózindik modelin qalyptastyryp, tutas dúnıege tegis tanylǵan elimizdiń táýelsizdik alǵanyna 32 jyl toldy.
Qazaqstan ǵasyr ólshemimen alǵandaǵy az ǵana ýaqyt ishinde óziniń nyq tuǵyryna qondy. Halyqaralyq saıası alamanda salmaqty saıasaty, ornyqty ustanymymen óziniń degdar beınesin qalyptastyrdy. Táýelsizdik tańy atqaly ulttyq qundylyqtarymyz jandandy, til men dil, mádenıet pen dástúr, saf óner men ulttyq ekonomıka, tól medıına birqatar jetistikterge jetti.
Qasterli ári quny joǵary merekesiń, ár azamat úshin baǵasy bıik KIELI KÚNNIŃ sharapaty men mán-mańyzy «Otan soǵysy ardagerlerine arnalǵan respýblıkalyq klınıkalyq gospıtalinde» de joǵarǵy dárejede ulyqtaldy. Eńseli egemendiktiń tarıhı mańyzy aıshyqtalǵan merekelik keshte ultsúıer azamattar jyr oqyp, daraboz daryn ıeleri patrıottyq án shyrqady.
Kesh ashylýynda «Otan soǵysynyń ardagerlerine arnalǵan klınıkalyq respýblıkalyq gospıtal» dırektorynyń «emdeý isi» qyzmeti boıynsha orynbasary Kalmýratova Nýrııa Tasbaevna tebirene sóılep, mán-mańyzy zor mereke jaıynda syr shertti. Qurmetti dárigerdiń táýelsizdik tolǵamy jaıly tolymdy baıandamasynan keıin gospıtal dırektory Djýmaseıtova Gaýhar Tazabekqyzy ujymdaǵy 19-qyzmetkerdi arnaıy «Alǵys hatpen» marapattap, alýan túrli taǵdyr keshken ardagerlerdiń qamqorshysyna aınalǵan qyzmetkerlerge qurmet kórsetti.
Keıinnen«Amanat» partııasynyń Medeý aýdandyq fılıaly tóraǵasynyń orynbasary Tasshabaı Ahmet Bolatuly jan saýlyǵy men tán saýlyǵynyń saqshylaryn qasterli merekemen quttyqtady. Ahmet Bolatuly táýelsizdik jyldarynda jetken elimizdiń eleýli jetistikterine, ulyq merekeniń qoǵamdyq-caıası mán-mańyzyna toqtaldy. Sonymen qatar, bıyl mereıli 60 jasqa kelgen ujym qyzmetkeri Ahmedjanova Farıda Jaıshıgalıevnaǵa arnaıyquttyqtaý hatyn tabystady.
Keshtiń «shyrqaý sheginde» qurmetke bólengen dárigerler men ujym qyzmetkerleriniń kóńilin qutaıtqan jalyndy jyr, rýhty án shyrqalyp,erekshe bir merekelik aýan saltanat qurdy.
Oımaqtaı ortada «Táýelsizdik saıasyn panalap» óz ónerin pash etken Temirbek Júrgenov atyndaǵy óner akademııasynyń daryndy stýdentteri de kópshiliktiń qurmetine bólenip, kesh sońyndakórermenniń aıryqsha alǵysyn aldy.
Dastan Qastaı
«Otan soǵysy ardagerlerine arnalǵan respýblıkalyq klınıkalyq gospıtaliniń» mamany
