جاڭاوزەندە استىرتىن ويىن مەكەمەسى انىقتالدى، دەپ حابارلايدى “ادىرنا” پورتالى قارجى مونيتورينگى اگەنتتىگىنىڭ (قما) ءباسپاسوز قىزمەتىنە سىلتەپ.
«جاڭاوزەن قالاسىندا زاڭسىز ويىن بيزنەسىمەن اينالىساتىن ۇيىمداسقان قىلمىستىق توپ انىقتالدى. قاتىسۋشىلار مەكەمەنىڭ تۇراقتى جۇمىس ىستەۋى ءۇشىن ويىن بيزنەسىنە ارنالعان كومپيۋتەرلەر بالانسىن جۇيەلى تۇردە تولىقتىرىپ، نىساننىڭ قاۋىپسىزدىگىن قامتاماسىز ەتىپ، زاڭسىز پايدا جيناپ، باسقا دا ۇيىمداستىرۋ-باسقارۋ قىزمەتتەرىن اتقارعان»، - دەلىنگەن سارسەنبىدە تاراعان حابارلامادا.
ءتىنتۋ كەزىندە ويىن ويناۋعا ارنالعان قۇرىلعىلار: جۇيەلىك بلوكتار، مونيتورلار، چەك پرينتەرلەرى، چەك سكانەرلەرى، تەلەديدارلار، تەلەفوندار جانە قولما-قول اقشا تاركىلەندى.
«زاڭسىز ارەكەتتەردەن تۇسكەن قىلمىستىق كىرىس كولەمى 77 ميلليون تەڭگەدەن استى»، - دەپ ءتۇسىندىردى قما.
