قازاقستان رەسپۋبليكاسى پرەزيدەنتىنىڭ ىشكى ساياسات ماسەلەلەر جانە كوممۋنيكاتسيالار جونىندەگى كومەكشىسى رۋسلان جەلدىباي مەن وزبەكستان رەسپۋبليكاسى پرەزيدەنتىنىڭ ءبىرىنشى كومەكشىسى سايدا ميرزيوەۆا كەزدەسۋ وتكىزدى دەپ حابارلايدى «ادىرنا» ۇلتتىق پورتالى.
بۇل تۋرالى سايدا ميرزيوەۆا Instagram پاراقشاسىندا مالىمدەدى.
«بۇگىن تاشكەنتكە «جاديدتەر: ۇلتتىق بىرەگەيلىك، تاۋەلسىزدىك جانە مەملەكەتتىلىك يدەيالارى» اتتى حالىقارالىق عىلىمي كونفەرەنتسياعا قاتىسۋ ءۇشىن كەلگەن قازاقستان پرەزيدەنتىنىڭ ىشكى ساياسات جانە كوممۋنيكاتسيالار جونىندەگى كومەكشىسى رۋسلان جەلدىبايمەن كەزدەسۋ ءوتتى.
⠀
ءبىز ورتالىق ازيا جاديدتەرىنىڭ ەلدەرىمىزدىڭ حالىقتارىن بىرىكتىرۋدەگى ءرولى، ولاردىڭ جاسامپازدىعى مەن ايماقتىڭ جالپى دامۋىنا قوسقان ۇلەسى تۋرالى پىكىر الماستىق. وزبەكستان مەن قازاقستان اراسىنداعى ءوزارا قىزىعۋشىلىق تۋدىراتىن بارلىق سالالارداعى دوستىق قارىم-قاتىناستاردى ودان ءارى نىعايتۋ ماسەلەلەرى جان-جاقتى تالقىلاندى»، - دەپ جازدى سايدا ميرزيوەۆا ءوز پاراقشاسىندا.
«ادىرنا» ۇلتتىق پورتالى
⠀
