وزبەكستان-قازاقستان شەكاراسىندا كونترابانداشىلارعا تيەسىلى ۇزىندىعى 310 مەترلىك جەراستى توننەلى انىقتالدى، دەپ حابارلايدى “ادىرنا” ۇلتتىق پورتالى. بۇل تۋرالى وزبەكستاننىڭ مەملەكەتتىك قاۋىپسىزدىك قىزمەتى (مقق) مالىمدەدى.
“مەملەكەتتىك كۇزەت قىزمەتىنىڭ قىزمەتكەرلەرى شەكارا قىزمەتى جانە «تاشكەنت-اەرو» مامانداندىرىلعان كەدەن كەشەنىنىڭ قىزمەتكەرلەرىمەن بىرلەسىپ وزبەكستاننان ساپاسى كەپىلدەنبەگەن دارىلىك زاتتاردى زاڭسىز اكەلۋمەن اينالىسقان ترانسشەكارالىق قىلمىستىق توپتىڭ ارەكەتىن اشكەرەلەدى. قازاقستان ارقىلى ۇندىستانعا، ياعني دەلي-تاشكەنت-الماتى رەيسى بويىنشا ءدارى-دارمەك پارتياسى جەتكىزىلىپ، ودان كەيىن تۋننەل ارقىلى قازاقستاننىڭ تۇركىستان وبلىسىنىڭ سارىاعاش اۋدانىنان تاشكەنت ايماعىنا جەتكىزىلگەنى اتاپ ءوتىلدى” دەلىنگەن سايتتا.
ءتارتىپ ساقشىلارى قىلمىستىق توپ مۇشەلەرىنەن ايعاق رەتىندە ءۇندىستاندا وندىرىلگەن البۋمين، رەمدەسيۆير، مەروپەنەم سياقتى 107 اتاۋداعى 17 048 ەسىرتكىنى تاركىلەدى.
ۇزىندىعى 310 مەتردى قۇرايتىن تۋننەلدە كونترابانداشىلاردىڭ جۇك تاسىمالداۋعا ارنالعان اربالارى بار جانە ءتىپتى جەلدەتۋ جۇيەسى ورناتىلعان.
قىلمىستىق كودەكستىڭ ءتيىستى باپتارى بويىنشا قىلمىستىق ءىس قوزعالىپ، كۇدىكتىلەرگە قاتىستى قاماۋعا الۋ تۇرىندەگى بۇلتارتپاۋ شاراسى قولدانىلدى.
