28 قازاقستان ازاماتى گازا سەكتورىنان ارنايى بورتپەن ەۆاكۋاتسيالانادى، دەپ حابارلايدى "ادىرنا" ءتىلشىسى سىرتقى ىستەر مينيسترلىگىنىڭ ءباسپاسوز قىزمەتىنە سىلتەپ.
قازاقستانعا قايتاتىن 28 ادام پالەستينا حالقىنا جونەلتىلگەن گۋمانيتارلىق كومەك جۇگى تيەلگەن ارنايى ۇشاقپەن جەتكىزىلەدى.
"اتالعان بورتپەن قازاقستانعا گازا سەكتورىنان ەۆاكۋاتسيالانعان 28 ادام – قر ازاماتتارى مەن ولاردىڭ وتباسى مۇشەلەرى ەلگە جەتكىزىلەدى. بارلىق مىندەتتى راسىمدەردەن وتكەننەن كەيىن ەۆاكۋاتسيالانعان ازاماتتارعا قاجەتتى قۇقىقتىق، مەديتسينالىق جانە وزگە دە قولداۋ كورسەتىلەدى", - دەلىنگەن مينيسترلىك حابارلاماسىندا.
