ريددەردەگى حاريۋزوۆكا وزەنىندە سۋ دەڭگەيى كوتەرىلىپ بىرنەشە اۋلانى سۋ باستى. جەدەل شتاب قۇرىلىپ، تۇننەن بەرى جۇمىس جاساپ جاتىر. كىنالىلەر جاۋاپكەرشىلىككە تارتىلادى. بۇل تۋرالى قالا اكىمى مالىمدەدى، دەپ حابارلايدى “ادىرنا” ۇلتتىق پورتالى.
وزەن ارناسىنداعى مۇز ەرىپ، سۋ دەڭگەيى كوتەرىلگەن. سالدارىنان ريددەردەگى جەكە سەكتوردىڭ 4 اۋلاسى مەن كيروۆ كوشەسىندەگى 2 جەر ءۇيدى سۋ باستى.
قالا اكىمدىگى تۇرعىندارعا ۋاقىتشا “ريددەر كوللەدجى" عيماراتىن پانالاۋدى ۇسىنعان. بىراق جەرگىلىكتى حالىق ەۆاكۋاتسيادان باس تارتقان. قازىر قالادا سۋدى سورىپ الۋ جۇمىستارى ءجۇرىپ جاتىر.
