وقيعا ورنىنا قاراۋىلشى ماماندار اتتانعان.
"قازىرگى ۋاقىتتا ءورتتىڭ بولجامدى الاڭى 200 گەكتار. ەلدى مەكەندەرگە قاۋىپ جوق. قازا تاپقاندار مەن زارداپ شەككەندەر جوق", - دەدى اباي وبلىسى تجد ءباسپاسوز قىزمەتى
ۇلگىلى-مالشى اۋىلدىق وكرۋگى اكىمدىگىنىڭ اقپاراتىنا سەنسەك، مەملەكەتتىك ورتكە قارسى قىزمەت ورگاندارىنىڭ كۇشتەرى مەن قۇرالدارىنىڭ تارتىلۋى قاجەت ەمەس.
ەسكە سالا كەتەيىك، اباي وبلىسىنداعى "سەمەي ورمانى" مەملەكەتتىك ورمان تابيعي رەزەرۆاتىنىڭ اۋماعىندا 2023 جىلعى 8 ماۋسىمدا ءىرى ءورت بولدى. سوڭعى مالىمەتتەر بويىنشا، 60 مىڭ گەكتار ورمان ورتەنىپ كەتكەن. 14 ادام قايتىس بولدى. ءورتتى ءبىر اپتادان كەيىن – 14 ماۋسىمدا اۋىزدىقتالدى.
قر باس پروكۋراتۋراسى اباي وبلىسىنداعى ورمان ءورتى فاكتىلەرىن تەرگەپ جاتىر. تەرگەۋ بارىسىندا "سەمەي-ورمانى" رەزەرۆاتى مەن جاڭا ءشۇلبى فيليالىنىڭ باسشىلىعى كۇدىكتى رەتىندە تانىلدى.
"ادىرنا" ۇلتتىق پورتالى
