تالدىقورعاندىق NIS مەكتەبىنىڭ وقۋشىلارى دجاكارتاداعى «Sekolah Cikal» يندونەزيالىق مەكتەبىندەگى قۇرداستارىمەن ونلاين كەزدەسۋ وتكىزدى.
كەزدەسۋدى زياتكەرلىك مەكتەپ كىتاپحاناشىلارى ۇيىمداستىردى. وقۋشىلار وزدەرىنىڭ مەملەكەتتەرى تۋرالى اڭگىمەلەپ، ەلىنىڭ سالت-داستۇرىمەن، مادەنيەتىمەن تانىستىردى. شەتەلدە وتان داڭقىن اسقاقتاتقان ەڭ تانىمال قازاقستاندىقتار تۋرالى اقپارات يندونەزيالىق وقۋشىلار اراسىندا ۇلكەن قىزىعۋشىلىق تۋدىردى.
كەزدەسۋدى NIS وقۋشىلارى اشتى. قازاقستاننىڭ تاڭعاجايىپ، الۋان ءتۇرلى تابيعاتى تۋرالى بەينەروليك ۇسىنىپ، تاريحي ورىندارعا تولىعىراق توقتالىپ، ەلدىڭ سۇلۋلىعىن كورسەتتى.
Skype جوباسى اياسىندا بۇل جولى يندونەزيا مەكتەبىمەن بايلانىسقا شىقتىق. بۇل وتە مازمۇندى جانە قىزىقتى ونلاين سۇحبات بولدى. 2019 جىلدان بەرى جۇمىس ىستەپ كەلە جاتقان ۇندىلىك «بال-بحاراتي» مەكتەبىمەن سەرىكتەستىك ورناتقانىمىزداي، بولاشاقتا دا يندونەزيا مەكتەبىمەن سەرىكتەستىك ورناتامىز دەگەن ۇمىتتەمىز. ءبىزدىڭ ماقساتىمىز – كوممۋنيكاتيۆتى داعدىلاردى، ۇلتارالىق قارىم-قاتىناستى، جاھاندىق ازاماتتىقتى دامىتۋ، — دەپ ءوز پىكىرىمەن نازارباەۆ زياتكەرلىك مەكتەبىنىڭ پەداگوگ-كىتاپحاناشىسى عاليا نۋكەەۆا ءبولىستى.
ءوز كەزەگىندە دجاكارتاداعى Sekolah Cikal مەكتەبىنىڭ وقۋشىلارى جويىلىپ بارا جاتقان جانۋارلار تۇرلەرى تۋرالى ايتتى. سونىمەن قاتار وزدەرىنىڭ تاريحى، نەگىزگى داۋىرلەرى، تاعامدارى مەن داستۇرلەرى تۋرالى قىسقاشا ەكسكۋرس جاسادى.
ونلاين كەزدەسۋ بارلىق قاتىسۋشىلارعا تاڭعاجايىپ جانە ەرەكشە ەلدەر – قازاقستان مەن يندونەزيانىڭ مادەنيەتىن سەزىنۋگە مۇمكىندىك بەردى.
