Taldyqorǵandyq NIS mektebiniń oqýshylary Djakartadaǵy «Sekolah Cikal» ındonezııalyq mektebindegi qurdastarymen onlaın kezdesý ótkizdi.
Kezdesýdi Zııatkerlik mektep kitaphanashylary uıymdastyrdy. Oqýshylar ózderiniń memleketteri týraly áńgimelep, eliniń salt-dástúrimen, mádenıetimen tanystyrdy. Shetelde Otan dańqyn asqaqtatqan eń tanymal qazaqstandyqtar týraly aqparat ındonezııalyq oqýshylar arasynda úlken qyzyǵýshylyq týdyrdy.
Kezdesýdi NIS oqýshylary ashty. Qazaqstannyń tańǵajaıyp, alýan túrli tabıǵaty týraly beınerolık usynyp, tarıhı oryndarǵa tolyǵyraq toqtalyp, eldiń sulýlyǵyn kórsetti.
Skype jobasy aıasynda bul joly Indonezııa mektebimen baılanysqa shyqtyq. Bul óte mazmundy jáne qyzyqty onlaın suhbat boldy. 2019 jyldan beri jumys istep kele jatqan úndilik «Bal-Bharatı» mektebimen seriktestik ornatqanymyzdaı, bolashaqta da Indonezııa mektebimen seriktestik ornatamyz degen úmittemiz. Bizdiń maqsatymyz – kommýnıkatıvti daǵdylardy, ultaralyq qarym-qatynasty, jahandyq azamattyqty damytý, — dep óz pikirimen Nazarbaev Zııatkerlik mektebiniń pedagog-kitaphanashysy Ǵalııa Nýkeeva bólisti.
Óz kezeginde Djakartadaǵy Sekolah Cikal mektebiniń oqýshylary joıylyp bara jatqan janýarlar túrleri týraly aıtty. Sonymen qatar ózderiniń tarıhy, negizgi dáýirleri, taǵamdary men dástúrleri týraly qysqasha ekskýrs jasady.
Onlaın kezdesý barlyq qatysýshylarǵa tańǵajaıyp jáne erekshe elder – Qazaqstan men Indonezııanyń mádenıetin sezinýge múmkindik berdi.
