تارازدا قىرىقباەۆتار قىلمىستىق توبىنىڭ 4 مۇشەسى ۇستالدى - ۇقك

138

قازاقپارات - ۇلتتىق قاۋىپسىزدىك كوميتەتىنىڭ جامبىل وبلىسى بويىنشا دەپارتامەنتى «قىرىقباەۆتار» ۇيىمداسقان قىلمىستىق توبىنىڭ 4 مۇشەسىنىڭ زاڭعا قايشى ارەكەتىنىڭ جولىن كەستى. بۇل تۋرالى قازاقپارات كوميتەتتىڭ ءباسپاسوز قىزمەتىنە سىلتەمە جاساپ حابارلايدى.

«ولار كۇش كورسەتۋ ارقىلى قورقىتىپ، وڭىرلىك بيزنەس-ورتا وكىلدەرىنىڭ بىرىنەن اقشالاي قاراجات بوپسالاعان. بيىلعى 21 مامىردا جەدەل-تەرگەۋ ءىس-شارالارىن جۇرگىزۋ بارىسىندا ءتيىستى سومانى العاننان كەيىن ۇيىمداسقان قىلمىستىق توپتىڭ ەكى مۇشەسى «ر» جانە «د» قىلمىس ۇستىندە ۇستالدى. سوت ولارعا قاتىستى قاماۋدا ۇستاۋ تۇرىندە بۇلتارتپاۋ شاراسىن سانكتسيالادى. سونداي-اق، 23-24 مامىردا ءىس-شارا بارىسىندا وسى قىلمىسقا قاتىسى بار قىلمىستىق توپتىڭ تاعى ەكى مۇشەسى انىقتالىپ، ۇستالدى» دەلىنگەن حابارلامادا.

بۇگىندە ۇقك دەپارتامەنتى سوتقا دەيىنگى تەرگەۋ جۇرگىزىپ جاتىر.

 

 

 

 

پىكىرلەر