مۇحتار شاحانوۆ. ءبəرى اقشامەن شەشىلىپ جاتىر.

1893
Adyrna.kz Telegram

تانىمال اقىن ءارى قوعام قايراتكەرى مۇحتار شاحانوۆ "ادىرنا" ۇلتتىق بىرلەستىگىنە سۇحبات بەرىپ، قوعامداعى وتكىر ماسەلەلەر جونىندە پىكىرىن اشىق ايتتى.

 پوەزيا مەن اقىننىڭ əلەمدەگى ءرولى قانداي بۇگىنگى تاڭدا؟

پوەزيا دەگەنگە مەنىڭ تۇسىنىگىم باسقا. الدىڭعى جىلى مەنىمەن انگليادا كەزدەسۋ بولدى. سوندا بىرقورا اقىندار، عالىمدار جازۋشىلار قاتىستى. سوندا مەن سويدىم. "سەندەر شىندىقتارىڭدى جوعالتىپ العانسىڭدار!"-دەپ... قازىر بارلىق جەردە سولاي ءتۋفليدى جاقسى جالايدى. سونىمەن ءبəرى مويىندادى. مەنىڭ كونتسەپتسيامدى كوپتەگەن مەملەكەتتەر مويىنداپ جاتىر. ولەڭدى əركىم جازا بەرەدى. "اناۋ تۇرعان بيدايدى، كومباينمەن جينايدى" دەپ. ول پوەزيا ەمەس. پوەزيا دەگەنىمىز - ەشكىم ايتپاعان ويلاردى ايتۋ!

ساناسى ۇلتتىق دەڭگەيگە جەتپەگەن وزدەرىن "اقىندارمىز" دەپ جۇرگەندەر دە بار عوي بۇگىنگى تاڭدا.

ول جəي əنشەيىن ۇيقاستىرىپ جۇرگەن اقىندار كوپ قوي. وندايلاردى مەن اقىن دەپ ەسەپتەمەيمىن. اقىندىق دەگەنىمىز - ەلدىك، ۇلتتىق مۇددەگە تەرەڭ تامىر جىبەرگەن ادامدار. ءوزىنىڭ ەلىنىڭ جەڭىسىن، جەڭىلىسىن، ەلىنىڭ وزىق قاسيەتتەرىن، پەندەشىلىگىن ءوز جۇرەگىنىڭ ەلەگىنەن وتكىزگەن ادام عانا اقىن بولا الادى. ويناپ جازا بەرسەڭ توم-توم كىتاپ شىعادى. كىم جازبايدى كىتاپتى؟ كەرەك دەسەڭ ۇيىڭە əكەلىپ بەرەدى. ءبəرى اقشامەن شەشىلىپ جاتىر.

قازىرگى əن مەن وعان جازىلىپ جاتقان سوزدەرگە كوزقاراسىڭىز؟

-تەلەديداردا ەرتەدەن كەشكە دەيىن əن بەرىپ جاتادى. تۇككە تۇرمايتىن əندەر. ماعىناسى جوق əندەر. اقشا بەرەدى ءبىتتى، ساتىلمايتىن ەشتەڭە جوق. باياعىدا سوۆەت وداعىنىڭ كەزىندە "كوركەمدىك كەڭەس" دەگەن بولاتىن. ەلەكتەن وتكىزىپ، ءəننىڭ ءوزىن، ءسوزىن قارايتىن. ۇناسا عانا تەلەديداردان بەرەتىن ەدى. ال قازىر قارامايدى. باراسىڭ اقشاڭدى بەرەسىڭ، əيتپەسە ۇلكەن ءبىر كەشتى بەرەسىڭ، قالتاسىنا بەس-ون مىڭ دوللار تۇسەدى. ءبىر اي، ەكى اي اينالدىرا بەرەدى.

جەر ماسەلەسىندە ەل ءبىراز دۇرلىكتى. قازىر باسىلعانداي بولدى.

جەر ساتۋ ماسەلەسىن 2008 دە كوتەرگەنمىن. جازعان مəلىمدەمەلەرىم بار. ايقاي كوتەرىپ كوشەگە شىققانبىز. اپارىپ قاماعان.
قىتايلىقتار قازاق ەلىنەن قىزدار الامىز دەدى. وعان ءوز پىكىرىڭىزدى ءبىلدىردىڭىز. ازاماتتىعىنان ايىرۋ جايلى. ءتيىستى جاۋاپ كەلدى مە سىزگە؟
بارىڭدار! باسقا قىزدارعا دا ايت! جاعدايلارىڭ جاقسى بولىپ، ۇيرەنىپ كەتەسىڭدەر!(اشىنىپ) جازدىق. ايتتىق. سول كۇيىندە قالدى عوي.

ءسوزىڭىزدىڭ استارىن ءتۇسىنىپ وتىرمىن. اللا ساقتاسىن! ارمانسىز ادام بولمايدى عوي! قانداي ارمانىڭىز بار؟

نە ارمان بولسىن؟ ارمانىم ۇلت ولمەسە، ءتىل ولمەسە ەكەن دەيمىن بولاشاق ۇرپاق ءۇشىن!

سۇحباتتاسقان: بەرتايقىزىبالجان اقىلبەك

"ادىرنا" ۇلتتىق بىرلەستىگى

پىكىرلەر