اتىراۋدا قازاقستان تۋىن قورلاعان قىزدار قاماۋعا الىنبادى. بۇل تۋرالى Buzyq تەوەگرام ارناسى جازدى، دەپ حابارلايدى “ادىرنا” ۇلتتىق پورتالى.
اقپارات بويىنشا، كەشە پوليتسياعا جەتكىزىلگەن ءتورت كۇدىكتى سوتقا دەيىن بوساتىلدى. ولاردىڭ ەكەۋى كامەلەتكە تولماعان. ولار سوت تەرگەۋى اياقتالعانعا دەيىن ەشقايدا كەتپەۋ تۋرالى قولحات بەرگەن.
مەملەكەتتىك رامىزدەردى قورلاعانى ءۇشىن 3000 اەك (شامامەن 12 ميلليون تەڭگە) كولەمىندە ايىپپۇل، 900 ساعاتقا دەيىن قوعامدىق جۇمىستارعا تارتۋ نەمەسە 2 جىلعا دەيىن باس بوستاندىعىنان شەكتەۋ نە ايىرۋ جازاسى قاراستىرىلعان.
ەسكە سالا كەتەيىك، اتىراۋ مۇز ايدىنىندا ءتورت قىز نيكاب كيىپ، قازاقستان تۋىنا ۇقساس جالاۋمەن سۋرەتكە تۇسكەن. الايدا ونىڭ جوعارعى بولىگىندە ارابشا جازۋ مەن قىلىشتىڭ بەينەسى بولعان. بۇل – يسلام سەنىمىنىڭ سيمۆولى سانالاتىن شاحادا: «اللادان باسقا قۇداي جوق، مۇحاممەد – ونىڭ ەلشىسى» دەگەن جازۋ.
وسى وقيعاعا بايلانىستى ۇقك مەن اتىراۋ وبلىسىنىڭ پوليتسيا دەپارتامەنتى بىرلەسكەن تەكسەرۋ جۇرگىزىپ، مەملەكەتتىك رامىزدەرگە قۇرمەتسىزدىك كورسەتۋ بابى بويىنشا قىلمىستىق ءىس قوزعاعان.
سونداي-اق، بۇگىن بۇل ىسكە قاتىستى مادەنيەت جانە اقپارات مينيسترلىگى پىكىر ءبىلدىرىپ، تۋدى ساتقان ينتەرنەت-رەسۋرستاردى انىقتادى.
