قازاقستاننىڭ 727 مەكتەبىندە بالالار قىزىلشا جۇقتىرعان. بۇل تۋرالى سانيتاريالىق-ەپيدەميولوگيالىق باقىلاۋ كوميتەتى توراعاسىنىڭ ورىنباسارى زاۋرە احمەتوۆا ايتتى، دەپ حابارلايدى «ادىرنا» ءتىلشىسى.
«بۇگىنگى تاڭدا ەلىمىز بويىنشا 727 مەكتەپتە قىزىلشانىڭ 1444 جاعدايى تىركەلگەن. بۇل رەتتە العاشقى 72 ساعات ىشىندە ەپيدەميولوگيالىق كورسەتكىشتەر بويىنشا 2565 بايلانىسۋشى ادام ەكپە الدى، سونىمەن بىرگە 1552 اتا-انا بالالارىن ۆاكتسيناتسيالاۋدان باس تارتتى، 538 بالانىڭ مەديتسينالىق كەيىنگە شەگەرۋى بار»،—دەدى ول.
بۇعان دەيىن دەنساۋلىق ساقتاۋ ۆيتسە-ءمينيسترى، باس مەملەكەتتىك سانيتار دارىگەر ايجان ەسماعامبەتوۆا قىزىلشا اۋرۋىنىڭ ەلىمىزدىڭ بارلىق وڭىرىندە تاراعانىن مالىمدەگەن ەدى.
ۇقساس جاڭالىقتار
