كانادادا بۇرىنعى مەكتەپ-ينتەرناتتىڭ اۋماعىندا كومىلگەن 215 بالانىڭ ءمايىتى تابىلدى. جەرگىلىكتى اقپارات قۇرالدارى ولاردىڭ اراسىندا ءتىپتى 3 جاسار بۇلدىرشىندەردىڭ دەنەلەرى بارىن مالىمدەدى. بۇل تۋرالى "ادىرنا" ۇلتتىق پورتالى نەگە.كز سايتىنا سىلتەمە جاساپ حابارلايدى.
بۇل سۇمدىق وقيعا كاملۋپس قالاسىندا بولعان. مۇنداعى ينتەرناتتا 1890-1969 جىلدار ارالىعىندا ۇندىستەردىڭ بالالارى ءبىلىم العان.
الايدا ءتيىستى مەكەمەلەر ءجوندى قارجىلاندىرىلماسا كەرەك. سالدارىنان وقۋشىلار دۇرىس تاماقتانباي، اشتىق پەن ءتۇرلى ينفەكتسيادان كوز جۇمعان.
ولاردى ۇرىپ سوعۋ دەرەكتەرى دە ءجيى كەزدەسەتىن. سونىڭ كەسىرىنەن 3 مىڭنان استام بالا قايتىس بولعان ەكەن.
ۇندىستەر قاۋىمى وكىلدەرى كەي جاعدايدا كامەلەتكە تولماعانداردىڭ ءولىمى قۇجاتتا كورسەتىلمەي قالعانىن ايتادى.
"ادىرنا" ۇلتتىق پورتالى
