سىردارياعا باتىپ كەتكەن ەكى اعايىندىنىڭ دەنەسى تابىلدى

تۇركىستان وبلىسى ساۋران اۋدانىندا سىرداريا وزەنىنە باتىپ كەتكەن ەكى ازاماتتىڭ دا دەنەسى تابىلدى، دەپ حابارلايدى "ادىرنا" ۇلتتىق پورتالى. 

قايعىلى وقيعا 22 تامىزدا ۇشقايىق اۋىلدىق وكرۋگى اۋماعىندا بولعان.

الدىن الا مالىمەت بويىنشا، 1998 جانە 2002 جىلى تۋعان ەكى اعايىندى سۋعا تۇسۋگە تىيىم سالىنعان جەردە شومىلعان. شومىلۋ كەزىندە 24 جاستاعى ازامات سۋعا باتىپ كەتكەن. ونى قۇتقارۋعا ۇمتىلعان 28 جاستاعى اعاسى دا وزەنگە باتىپ كەتكەن. وقيعا تۋرالى حابار تۇسكەننەن كەيىن ىزدەستىرۋ جۇمىستارى باستالدى. وعان تۇركىستان وبلىسى مەن شىمكەنت قالاسى توتەنشە جاعدايلار دەپارتامەنتتەرىنىڭ قىزمەتكەرلەرى، پوليتسيا، جەدەل جاردەم ماماندارى، جەرگىلىكتى تۇرعىندار مەن مارقۇمداردىڭ تۋىستارى قاتىستى. ىزدەۋ جۇمىستارىنا 90-عا جۋىق ادام، ارنايى تەحنيكا، ءجۇزۋ قۇرالدارى جانە دروندار جۇمىلدىرىلدى.

تۇركىستان وبلىسى تجد مالىمەتىنشە، 24 تامىزدا 2002 جىلى تۋعان ازاماتتىڭ دەنەسى شومىلعان جەردەن شامامەن 6 شاقىرىم قاشىقتىقتان تابىلعان. ال 25 تامىزدا ىزدەستىرۋ جۇمىستارى بارىسىندا 1998 جىلى تۋعان ەكىنشى ازاماتتىڭ دەنەسى وقيعا ورنىنان شامامەن 30 شاقىرىم جەردەن تابىلدى.