مادەنيەت جانە اقپارات ۆيتسە-ءمينيسترى ايبەك سىدىقوۆ كەنەسارى حاننىڭ باسىن قازاقستانعا قايتارۋ مۇمكىندىگى تۋرالى سۇراققا جاۋاپ بەردى، دەپ حابارلايدى «ادىرنا» ءتىلشىسى قازاقپاراتقا سىلتەمە جاساپ.
«بۇل سۇراققا ءدال قازىر ناقتى جاۋاپ بەرۋ قيىن. ويتكەنى كەنەسارى حاننىڭ باسى ناقتى قاي جەردە ەكەنىن ايتا المايمىز. بىزدە ونداي ناقتى، دالەلدى اقپارات جوق", - دەدى ول.
باق وكىلدەرى ارتەفاكتىنىڭ مادەني ماڭىزدىلىعىن ەسكەرە وتىرىپ، ونى ىزدەۋ جۇمىستارى جۇرگىزىلىپ جاتىر ما دەپ سۇرادى. سىدىقوۆتىڭ ايتۋىنشا، زەرتتەۋلەر ءالى جالعاسىپ جاتىر.
«بۇل تەك كەنەسارى حاننىڭ باسىنا قاتىستى ەمەس. 2004–2006 جىلدارى جانە كەيىنگى كەزەڭدەردە مادەني مۇرانى ىزدەستىرۋگە ارنالعان ارنايى مەملەكەتتىك باعدارلامالار بولدى. ءبىزدىڭ عالىمدار شەتەلگە شىعىپ، مۋزەيلەردە، ارحيۆتەردە، كىتاپحانالاردا جۇمىس ىستەدى. كوپتەگەن ارحيۆتىك قۇجاتتاردىڭ كوشىرمەسى قازاقستانعا جەتكىزىلدى»،- دەدى ۆيتسە-مينيستر.
