Búgin Nursultan Nazarbaevtyń kitaby jaryqqa shyqqany resmı habarlandy. Bul týraly eks-prezıdenttiń baspasóz hatshysy Aıdos Úkibaı aıtty, dep habarlaıdy «Adyrna» tilshisi.
«Búgin Nursultan Nazarbaevtyń «Meniń ómirim. Bodandyqtan – bostandyqqa» atty kitaby jaryqqa shyqty», - dep jazdy ol.
Estilik kitap búginnen bastap «Meloman» jáne «AlmatyKitap» dúkender jelisinde satylady.
«Bul kitap oqyrmandy táýelsiz Qazaqstannyń tarıhyna jańa qyrynan úńilýge, azattyqtyń alǵashqy jyldarynda el tizginin ustaǵan tulǵanyń kózimen qaraýǵa jeteleıdi.
Avtor tikeleı bel ortasynda bolǵan tarıhı oqıǵalar kórinis tapqan týyndyda Nursultan Nazarbaev óziniń ómir jolymen qatar, elimizdiń qalyptasýy jáne damý kezeńderi týraly estelikterimen bólisti. Asa mańyzdy saıası oqıǵalar, aýqymdy ekonomıkalyq jańǵyrýlar, kúrdeli halyqaralyq kelissózder, el basqarǵan kezde qabyldaǵan strategııalyq sheshimder týraly baıandady.
Jeke syryn aǵynan jarylyp aıtýy, qańtar oqıǵasyna qatysty paıymdaýlaryn ortaǵa salýy Tuńǵysh Prezıdenttiń bul kitabynyń salmaǵyn arttyra túsedi»,—dep jazdy eks-prezıdenttiń resmı saıty.
Aıta keteıik, kitaptyń shyǵý kúni 1 jeltoqsan — Tuńǵysh prezıdent kúnimen tuspa-tus kelip otyr.
