29 قاراشا كۇنى اقش-تىڭ ەكى پرەزيدەنتىنىڭ تۇسىندا ۇلتتىق قاۋىپسىزدىك جونىندەگى كەڭەسشى جانە مەملەكەتتىك حاتشى بولعان، اقش-تىڭ سىرتقى ساياساتىندا وشپەس ءىز قالدىرعان جانە نوبەل بەيبىتشىلىك سىيلىعىنا يە بولعان ديپلوماتيالىق دارىن يەسى گەنري كيسسيندجەر 100 جاسىندا قايتىس بولدى. بۇل تۋرالى Reuters جاريالادى، دەپ حابارلايدى “ادىرنا” ۇلتتىق پورتالى.
Kissinger Associates Inc گەوساياسي كونسالتينگتىك فيرماسىنىڭ مالىمدەمەسىنە سايكەس، كيسسيندجەر كوننەكتيكۋتتاعى ۇيىندە قايتىس بولدى.
اقپارات بويىنشا، نيۋ-يوركتە كوپشىلىكتىڭ كيسسينجەردى ەسكە الۋ ءراسىمى وتەدى. ال جەرلەۋ راسىمىنە ساياساتكەردىڭ جاقىندارى مەن دوستارى قاتىسادى.
ايتا كەتەيىك، كيسسيندجەر قارتايعان شاعىندا دا بەلسەندى بولدى، اق ۇيدەگى كەزدەسۋلەرگە قاتىستى، كوشباسشىلىق تۋرالى كىتاپ باسىپ شىعاردى جانە سولتۇستىك كورەيادان تونگەن يادرولىق قاۋىپ تۋرالى سەنات كوميتەتىندە كۋالىك بەردى.
2023 جىلدىڭ شىلدەسىندە ول قىتاي توراعاسى سي تسزينپينمەن كەزدەسۋ ءۇشىن اياق استىنا بەيجىڭگە ساپارلاعانىن ديپلوماتتار مەن ساياساتكەرلەر ۇمىتپاعان بولار.
ونىڭ قىرعي-قاباق سوعىس كەزىندە اقش پەن كەڭەس وداعىن اراسىن جاقىنداتۋعا تىرىسقانى تۋرالى دا كوپ ايتىلادى.
