اقش-تىڭ تەننەسسي شتاتىندا ورنالاسقان Accurate Energetic Systems اسكەري زاۋىتىندا ءىرى جارىلىس بولدى، دەپ حابارلايدى "ادىرنا" ۇلتتىق پورتالى.
جەرگىلىكتى اقپارات قۇرالدارىنىڭ مالىمەتىنشە، بىرنەشە ادام قازا تاپقان، ناقتى سانى ازىرگە انىقتالماعان.
حامفريس وكرۋگىنىڭ توتەنشە جاعدايلار باسقارماسى كەمىندە 19 ادامنىڭ ءىز-ءتۇزسىز جوعالعانىن حابارلادى. بىرنەشە ادام جاراقات الىپ، اۋرۋحاناعا جەتكىزىلگەن.
وكرۋگ شەريفى جارىلىستاردىڭ بىرنەشە رەت بولعانىن ايتتى: العاشقى قۋاتتى جارىلىستان كەيىن بىرنەشە ءالسىز جارىلىس تىركەلگەن. قۇتقارۋشىلار ازىرگە زاۋىت اۋماعىنا كىرە الماي وتىر، سەبەبى جارىلىستار ءالى دە جالعاسىپ جاتىر.
وقيعانىڭ سەبەبى انىقتالۋ ۇستىندە. Accurate Energetic Systems كومپانياسى قورعانىس، اۋەعارىش جانە كوممەرتسيالىق سالالارعا ارنالعان جارىلعىش زاتتاردى ازىرلەۋمەن جانە ساقتاۋمەن اينالىسادى.
الەۋمەتتىك جەلىلەردە تاراعان ۆيدەولاردا زاۋىت اۋماعىندا شاشىلعان قيراعان بولشەكتەر مەن زاقىمدانعان كولىكتەر كورىنەدى. لوبەلۆيلل قالاسىنىڭ تۇرعىندارى جارىلىستىڭ دۇمپۋىنەن ۇيلەردىڭ تەربەلگەنىن ايتقان.
