29 qarasha kúni AQSh-tyń eki prezıdentiniń tusynda ulttyq qaýipsizdik jónindegi keńesshi jáne memlekettik hatshy bolǵan, AQSh-tyń syrtqy saıasatynda óshpes iz qaldyrǵan jáne Nobel beıbitshilik syılyǵyna ıe bolǵan dıplomatııalyq daryn ıesi Genrı Kıssındjer 100 jasynda qaıtys boldy. Bul týraly Reuters jarııalady, dep habarlaıdy “Adyrna” ulttyq portaly.
Kissinger Associates Inc geosaıası konsaltıngtik fırmasynyń málimdemesine sáıkes, Kıssındjer Konnektıkýttaǵy úıinde qaıtys boldy.
Aqparat boıynsha, Nıý-Iorkte kópshiliktiń Kıssınjerdi eske alý rásimi ótedi. Al jerleý rásimine saıasatkerdiń jaqyndary men dostary qatysady.
Aıta keteıik, Kıssındjer qartaıǵan shaǵynda da belsendi boldy, Aq úıdegi kezdesýlerge qatysty, kóshbasshylyq týraly kitap basyp shyǵardy jáne Soltústik Koreıadan tóngen ıadrolyq qaýip týraly Senat komıtetinde kýálik berdi.
2023 jyldyń shildesinde ol Qytaı tóraǵasy Sı zınpınmen kezdesý úshin aıaq astyna Beıjińge saparlaǵanyn dıplomattar men saıasatkerler umytpaǵan bolar.
Onyń qyrǵı-qabaq soǵys kezinde AQSh pen Keńes odaǵyn arasyn jaqyndatýǵa tyrysqany týraly da kóp aıtylady.
