پەتروپاۆلداعى ۇلتتىق ۇلان اكادەمياسىندا 17 كۋرسانت قىزىلشا اۋرۋىن جۇقتىردى، دەپ حابارلايدى "ادىرنا" ۇلتتىق پورتالى. بۇل تۋرالى دەنساۋلىق ساقتاۋ ءمينيسترى اجار عينيات مالىمدەدى.
العاشىندا سولتۇستىك قازاقستان وبلىسىنىڭ دەنساۋلىق ساقتاۋ باسقارماسى 29 جاعداي تۋرالى حابارلادى. مينيستر بۇل اقپاراتتى جوققا شىعاردى.
«29 ادام كۇدىكپەن ءتۇستى (قىزىلشا – شامامەن), ونىڭ 17-ءسى راستالدى. قازىر رەسپيراتورلىق ۆيرۋستىق ينفەكتسيالاردىڭ ەپيدەميالىق ماۋسىمى، ءتۇرلى ينفەكتسيالار بار، ونىڭ ىشىندە تۇماۋ، پاراگريپپ جانە باسقا دا دياگنوزدار»، - دەدى اجار عينيات ورتالىق كوممۋنيكاتسيالار قىزمەتىندەگى بريفينگتە.
ءمينيستردىڭ ايتۋىنشا، قازىردىڭ وزىندە 16 ادام جازىلىپ، اۋرۋحانادان شىعارىلدى. ءبىر ادام مەديتسينالىق بولىمدە ەم قابىلداپ جاتىر. بۇل رەتتە اكادەميادا كارانتين ەنگىزىلمەگەن.
"بىرەۋى (كۋرسانت – تۇسىندىرمە) قازىر مەديتسينالىق بولىمدە ەمدەلىپ جاتىر. قالعاندارى جازىلىپ ۇلگەردى. نەگىزىنەن ەكپە العان نەمەسە ءبىر رەت اۋىرعانداردىڭ ءومىر بويى يممۋنيتەتى جاقسى ساقتالادى. ال اۋىرماعاندارى جۇقتىرىپ الادى، ونىڭ وزىندە جەڭىل تۇردە»، - دەدى عينيات.
ەستەرىڭىزگە سالا كەتەيىك، قازاقستاندا قىزىلشانى جۇقتىرۋدىڭ 17 مىڭنان استام جاعدايى تىركەلگەن. ونىڭ 82 پايىزدان استامى بالالار، ونىڭ ىشىندە ەكپە الماعاندار 83 پايىز. سوڭعى مالىمەتتەر بويىنشا، 23 بالانىڭ جاعدايى اۋىر.
