ۇلتتىق قاۋىپسىزدىك كوميتەتى شەكارا اكادەمياسى كۋرسانتىنىڭ قايتىس بولۋىنا قاتىستى مالىمدەمە جاساپ، اقپاراتتى راستادى، دەپ حابارلايدى “ادىرنا” ۇلتتىق پورتالى.
"2024 جىلعى 22 قىركۇيەكتە الماتى قالاسىنداعى كوپقاباتتى تۇرعىن ءۇيدىڭ اۋلاسىنان كەزەكتى دەمالىسقا بوساتىلعان 3-كۋرس كۋرسانتىنىڭ ءمايىتى تابىلدى. ولىمىنە بيىكتەن قۇلاۋ سەبەپ بولعان. پوليتسيا ورگاندارى سوتقا دەيىنگى تەرگەۋدى باستادى. تۇرتكى بولعان جاعدايلارى انىقتالۋدا", - دەلىنگەن ۆەدومستۆودا.
ايتا كەتەيىك، جەلىدە الماتىداعى ۇلتتىق قاۋىپسىزدىك كوميتەتىنىڭ شەكارا اكادەمياسىنىڭ كۋرسانتى كوپقاباتتى ۇيدەن سەكىرىپ قايتىس بولدى دەگەن اقپارات پايدا بولعان. قالالىق پد وقيعاعا تۇسىنىكتەمە بەرىپ، قىلمىستىق ءىس قوزعالعانىن حابارلاعان ەدى.
