Petropavldaǵy Ulttyq ulan akademııasynda 17 kýrsant qyzylsha aýrýyn juqtyrdy, dep habarlaıdy "Adyrna" ulttyq portaly. Bul týraly Densaýlyq saqtaý mınıstri Ajar Ǵınııat málimdedi.
Alǵashynda Soltústik Qazaqstan oblysynyń densaýlyq saqtaý basqarmasy 29 jaǵdaı týraly habarlady. Mınıstr bul aqparatty joqqa shyǵardy.
«29 adam kúdikpen tústi (qyzylsha – shamamen), onyń 17-si rastaldy. Qazir respıratorlyq vırýstyq ınfekııalardyń epıdemııalyq maýsymy, túrli ınfekııalar bar, onyń ishinde tumaý, paragrıpp jáne basqa da dıagnozdar», - dedi Ajar Ǵınııat Ortalyq kommýnıkaııalar qyzmetindegi brıfıngte.
Mınıstrdiń aıtýynsha, qazirdiń ózinde 16 adam jazylyp, aýrýhanadan shyǵaryldy. Bir adam medıınalyq bólimde em qabyldap jatyr. Bul rette akademııada karantın engizilmegen.
"Bireýi (kýrsant – túsindirme) qazir medıınalyq bólimde emdelip jatyr. Qalǵandary jazylyp úlgerdi. Negizinen ekpe alǵan nemese bir ret aýyrǵandardyń ómir boıy ımmýnıteti jaqsy saqtalady. Al aýyrmaǵandary juqtyryp alady, onyń ózinde jeńil túrde», - dedi Ǵınııat.
Esterińizge sala keteıik, Qazaqstanda qyzylshany juqtyrýdyń 17 myńnan astam jaǵdaıy tirkelgen. Onyń 82 paıyzdan astamy balalar, onyń ishinde ekpe almaǵandar 83 paıyz. Sońǵy málimetter boıynsha, 23 balanyń jaǵdaıy aýyr.
