الماتى قۇرلىق اسكەري ينستيتۋتىنىڭ كۋرسانتتارى وقۋ ورنىنان ءوز ەركىمەن كەتتى، دەپ مالىمدەدى قورعانىس مينيسترلىگىنىڭ ءباسپاسوز قىزمەتى. بۇل تۋرالى "ادىرنا" ۇلتتىق پورتالى وردا.كز سايتىنا سىلتەمە جاساپ حابارلايدى.
1 جەلتوقسان كۇنى ينستيتۋتتان 210 وقۋشى نارازىلىق ءبىلدىرىپ، ءوز ەرىكتەرىمەن شىعىپ كەتكەن.
«ينستيتۋت باسشىسى گەنەرال-مايور دۋلات ادىربەكوۆتىڭ ايتۋىنشا، كۋرسانتتار كادرلىق تاعايىنداۋلار كەزىندە كەلىسپەۋشىلىك ورىن العان. فاكۋلتەت باسشىسىن اۋىستىرۋعا قارسى بولىپ، بۇرىنعى باسشىلىقتى قايتارۋدى تالاپ ەتتى»، - دەپ مالىمدەدى قورعانىس مينيسترلىگى.
بۇگىن، 2 جەلتوقسان كۇنى ساعات 09:00-دەن باستاپ ءوز ەركىمەن كەتىپ قالعان 210 كۋرسانت اۋديتوريالارىندا ءجۇر.
بۇل ءىستى قورعانىس ءمينيسترىنىڭ ورىنباسارى سۇلتان كامالەتدينوۆ باستاعان كوميسسيا تەرگەپ جاتىر.
وقيعا تۋرالى كۋرسانتتاردىڭ اتا-انالارىنا حابارلاندى.
"ادىرنا" ۇلتتىق پورتالى
