88 جىل بۇرىن 28 قاراشادا اقىن، قازاقستان مەملەكەتتىك ءانۇرانىنىڭ ء(ماتىنى) اۆتورى، قازاقستان جاستار وداعى سىيلىعىنىڭ يەگەرى جۇمەكەن سابىرۇلى ناجىمەدەنوۆ اتىراۋ وبلىسى، قۇرمانعازى اۋدانىندا دۇنيەگە كەلدى.
اقىن 1963 جىلى موسكۆادا وتكەن جاس جازۋشىلاردىڭ IV كونفەرەنتسياسىنا دەلەگات بولىپ قاتىسىپ، 1967 جىلى ۇلى وتان سوعىسىنداعى قاسىرەتتى جىرلاعان «جوق، ۇمىتۋعا بولمايدى!» دەگەن داستاندار جيناعى ءۇشىن قازاقستان لەنين كومسومولى سىيلىعىنىڭ لاۋرەاتى اتاندى. جۇمەكەن ناجىمەدەنوۆ – 2006 جىلى قابىلدانعان قازاقستان رەسپۋبليكاسىنىڭ ءانۇرانى اۆتورلارىنىڭ ءبىرى. «مەنىڭ قازاقستانىم» ءانى ونىڭ شىعارماشىلىق جولىنىڭ باسىندا، اقىننىڭ 21 جاسىندا جازىلعان.
«ول ۋاقىتتا قازاقتىڭ كەڭ دالاسىن رەسەيگە ءبولىپ بەرمەكشى بولىپ جاتتى عوي. اقىننىڭ قارۋى – قالام. سول كەزدە قالامىمەن بىلدىرگەن قارسىلىعى وسى ءسوزى بولدى. «مەنىڭ ەلىم، مەنىڭ جەرىم، قازاعىم»، دەپ جىرلادى. الايدا، مۇنى ورتالىق كوميتەت ەفيرگە شىعارمادى. اۋەنى ۇنادى، تەك ءسوزىن وزگەرت دەپتى. «سەن نەگە «مەنىڭ ەلىم، مەنىڭ جەرىم، قازاعىم» دەيسىڭ؟ ولاي بولمايدى، پارتيانى قوس دەيدى. سودان امال جوق، پارتيانى قوسقان جەرلەرى بار ەدى. قانشا وزگەرتىلگەنىمەن، كەيىن جامال وماروۆا ورىنداعان العاشقى نۇسقاسى 1959 جىلى قاراشا ايىندا ەفيرگە شىقتى»،- دەيدى اقىننىڭ جارى ءناسىپ مۇستاقىزى.
1983 جىلى اقىن 47 جاسىندا ومىردەن ءوتتى. 2010 جىلى «مەنىڭ قازاقستانىم» اتتى جىر جيناعى ءۇشىن جۇمەكەن ناجىمەدەنوۆكە قازاقستان رەسپۋبليكاسىنىڭ مەملەكەتتىك سىيلىعى (قايتىس بولعاننان كەيىن) بەرىلدى.
«ادىرنا» ۇلتتىق پورتالى
